Rutahizamu w’umunya-Portugal ukinira ikipe ya Juventus de Turin yo mu Butaliyani Cristiano Ronaldo Aveiro, yanditse amateka yo kuzuza imikino 1000 amaze gukina mu mwuga we wo gukina umupira w’amaguru, nyuma y’umukino wari ukomeye cyane Juventus yatsinzemo Inter Milan ibitego 2-0, ishimangira umwanya wa mbere muri shampiyona.
Cristiano
yabaye umukinnyi wa mbere ku Isi wujuje imikino 1000 mu mupira w’amaguru akina
nk’uwabigize umwuga, mu makipe aneyo mu bihugu bitandukanye.
Nubwo
nta gitego Cristiano yatsinze mu bitego bibiri byatsinzwe mu mukino wo kuri iki
cyumweru, ariko yagize uruhare mu gitego cya mbere aho yatanze umupira kwa
Aaron Ramsey aratsinda.
Uyu
mukino wujuje imikino wujuje imikino 1000 Cristiano amaze gukina mu buzima bwe
mu mwuga wo gukina umupira w’amaguru, aho yakinnye mu makipe ane yo mu bihugu
bitandukanye, akaba amaze gukina season 18, amaze gutsinda ibitego 725.
Mu
mwaka w’imikino wa 2002-2003 Cristiano Ronaldo yakiniye ikipe ya Sporting Club
Portugal y’iwabo muri Portugal, yayikiniye imikino 31 atsinda ibitego 5.
Kuva
mu mwaka wa 2003-2009, Cristiano yakiniraga ikipe ya Manchester United yo mu
bwongereza, yayikiniye imikino 292, atsinda ibitego 118.
Mu
mwaka wa 2009-2018, Cristiano yakiniye Real Madrid yo muri Espagne, yakinnye
imikino 438 atsinda ibitego 450.
Kuva
mu mwaka wa 2018 kugeza ubu, Cristiano akinira Juventus de Turin yo mu
Butaliyani, amaze gukina imikino 75 amaze gutsinda ibitego 53.
Uteranyije
imikino yose Cristiano amaze gukinira amakipe yanyuzemo ingana na 836, akaba
yaratsinze ibitego 626.
Mu
ikipe y’igihugu ya Portugal, Cristiano yatangiye kuyikinira mu mwaka wa 2003,
kugeza ubu amaze kuyikinira imikino 164, amaze gutsinda ibitego 99.
Uteranyije
imikino yose Ronaldo amaze gukina mu buzima bwe iba 1000, akaba yaratsinzemo
ibitego 725.
Muri
uyu mwaka w’imikino Ronaldo amaze gukinira Juventus imikino 32, amaze gutsinda
ibitego 25.
Aya
ni Amateka akomeye Cristiano akoze atarakorwa n’undi mukinnyi ku Isi, akaba
anakomeje kwesa uduhigo dutandukanye ku myaka 35 y’amavuko afite magingo aya.
Abinyujije ku rukuta rwe rwa Twitter Cristiano yatangaje ko yishimiye kuba agejeje ku bitego 1000, avuga ko ari igikorwa gikomeye gisaba ubwitange, anaboneraho umwanya wo gushimira Abatoza yanyuze mu biganza, abakinnyi bakinanye nawe, umuryango we n'inshuti ndetse n'abafana bamubaye hafi kugira ngo abigereho.
Cristiano yakoze amatega ageza ku mikino 1000 amaze gukina
Cristiano yabaye ubukombe mu mupira w'amaguru ku Isi
Ibi Ronaldo yabigezeho mu mukino Juventus yatsinzemo Inter Milan ibitego 2-0
Cristiano yatanze umupira wavuyemo igitego cya mbere
Ronaldo ayoboye Juventus
Ronaldo akaraga Coup Franc
TANGA IGITECYEREZO