Ikipe y’igihugu Amavubi’ y’abakinnyi bakina imbere mu gihugu, yanganyije n’iya Cameroon ubusa ku busa mu mukino wa gicuti wabereye kuri Stade Ahmadou Ahidjo de Yaoundé, muri Cameroon kuri uyu wa Mbere, ni mugihe ibihugu byombi byitegura irushanwa rya CHAN 2020 iteganyijwe gutangira muri Mata.
Uyu
mukino wakinwe mu rwego rwo gufasha ibihugu byombi kwitegura irushanwa rya CHAN
2020 rizabera muri Cameroon guhera tariki ya 4 kugeza ku ya 25 Mata.
Nubwo
iminota myinshi y’umukino wari wahengamiye ku ruhande rumwe, Amavubi yabonye
uburyo bumwe bugana mu izamu mu minota ya mbere, ishoti ryatewe na Imanishimwe
Emmanuel, umupira ukurwamo n’umunyezamu wa Cameroon mu gihe n’iyi kipe yari
imbere y’abafana bayo yihariye iminota yasigaye, ariko ntiyabona uburyo
bukomeye bugana mu izamu babonye mu minota 45 y’igice cya mbere.
Mu
gice cya kabiri amakipe yombi yakoze impinduka mu bakinnyi, umutoza w’Amavubi,
Mashami Vincent akuramo Kimenyi Yves, Manishimwe Djabel, Iradukunda Jean
Bertrand na Sugira Ernest, basimburwa na Kwizera Olivier, Ngendahimana Eric,
Byiringiro Lague na Usengimana Danny.
Niyonzima
Ally na Iyabivuze Osée bafashe imyanya ya Nshuti Dominique Savio na Niyonzima
Olivier, Amavubi yongera gusatira cyane Ikipe ya Cameroon.
Amavubi
yabonye uburyo bwiza imbere y’izamu rya Cameroon ku mupira Omborenga Fitina yahawe na Niyonzima
Olivier ‘Sefu’, awuteye uca hejuru gato y’izamu.
Umukino
ugana ku musozo Byiringiro Lague yabonye
uburyo bwiza, umupira yatereye inyuma y’urubuga rw’amahina ukurwamo
n’umunyezamu wa Cameroon watabaye iki gihugu inshuro nyinshi.
Iminota
90 isanzwe y’umukino yarangiye amakipe aguye miswi 0-0.
Amavubi
aragera i Kigali kuri uyu wa Kabiri
nimugoroba, akomereze mu mwiherero, yitegura undi mukino wa gicuti azakina na
Congo Brazzaville ku wa Gatanu tariki ya 28 Gashyantare 2020.
CHAN
2020 ibura iminsi mike ngo itangire, u Rwanda ruri mu itsinda C hamwe na Maroc
ifite irushanwa riheruka, Uganda na Togo.
Abakinnyi b’u Rwanda babanjemo:
Kimenyi Yves, Manzi Thierry, Rugwiro Hervé, Ombolenga Fitina, Imanishimwe
Emmanuel, Nsabimana Eric, Niyonzima Olivier, Manishimwe Djabel, Nshuti
Dominique Savio, Iradukunda Bertrand na Sugira Ernest.
Abakinnyi ba Cameroon babanjemo:
Omossola, Tientchou, Bawak, Dooh, Djob, O’ojong, Mbarag, Onana, Lobe, Nlend,
Beo Batto.
Amavubi yanganyije n'Intare za Cameroon 0-0 mu mukino wa gicuti
TANGA IGITECYEREZO