Itsinda ryo kuramya no guhimbaza Imana Potter's Hand Worship (PHW) ribarizwa mu itorero Potter's Hand church riyoborwa na Pastor Jimmy Muyango, ryasohoye indirimbo nshya yitwa 'My Everlasting Light' iri mu rurimi rw'Icyongereza.
Muri iyi ndirimbo aba baririmbyi baririmbamo ko izuba ritazabamurikira ukundi ku manywa ndetse n'ukwezi kutazabamurikira ninjoro ahubwo ko bazamurikirwa iteka n'Umwami Imana. Bavuga ko Yesu ari we rumuri rw'isi bityo bagahamagarira abantu bose gusanga Yesu Kristo urumuri rw'ukuri bakava mu mwijima w'icuraburindi.
Iyi ndirimbo 'My Everlasting Light' ni iya mbere bashyize hanze kuri album ya kabiri bahugiyeho muri iyi minsi. Album yabo ya mbere bise 'Ishimwe ni iryawe' iriho indirimbo 14, bayimuritse tariki 29 Ukwakira 2017 mu gitaramo gikomeye bakoreye mu rusengero rwa New Life Bible church ku Kicukiro.
Potter's Hand Woship ni Minisiteri yo kuramya ibarizwa mu itorero rya Potter's Hand. Ifite abanyamuryango basaga 40 bari mu byiciro bitandukanye; abato, abakuze, ingaragu n'abashatse. Imana yahaye impano nyinshi Potter's Hand Worship cyane cyane impano zo guhimba indirimbo zo kuramya.
Indirimbo zabo nyinshi, ziza bari gusubiramo izindi (practice) cyangwa se bayoboye kuramya mu materaniro. Iteraniro ryarabimenyereye ku buryo nabo bafata indirimbo nshya vuba. Inshuro nyinshi Potter's Hand Worship (PHW) ikoresha indirimbo zayo mu kuyobora gahunda yo kuramya no guhimbaza mu itorero rya Potter's Hand.
Bamwe mu bacuranzi ba Potter's Hand Worship
Potter's Hand Worship bahugiye mu gukora album ya kabiri
UMVA HANO INDIRIMBO NSHYA 'MY EVERLASTING LIGHT' YA POTTER'S HAND WORSHIP
TANGA IGITECYEREZO