Iyi ni virus nshya iri gukwirakwira cyane mu Bushinwa. Umuntu iheruka kwica ni umugabo w'imyaka 89 y’amavuko wari utuye ahitwa Wuhan mu mujyi iyi virus yahereyemo mu mpera z’icyumweru gishize.
Abantu barenga 200 bamaze kwandura iyi virus mu yindi mijyi itandukanye y'Ubushinwa irimo Beijing na Shangai. Ejo kuwa mbere, ikigo gishinzwe ubuzima mu Bushinwa cyemeje ko abantu babiri bo mu ntara ya Guangdong umwe yayanduje undi.
Mu mujyi wa
Wuhan ho iyi komisiyo yatangaje ko abakozi 15 b'ubuzima banduye iyi virus
bayandujwe, umwe muri bo ararembye cyane.Abo bose bashyizwe mu kato mu gihe
bari gukurikiranwa.
Mu mpera z'umwaka ushize, nibwo yabonetse bwa mbere mu mujyi wa Wuhan utuwe n'abantu miliyoni 11 uri mu burasirazuba bw'Ubushinwa. Ubu abantu 218 bimaze kwemezwa ko banduye iyi virus mu Bushinwa nk'uko ishami rya ONU rishinzwe ubuzima ku isi (OMS) ribivuga.
Hari abantu bantu bacye bayanduye babonetse n'ahandi; babiri muri Thailand, umwe mu Buyapani n'umwe muri Koreya y'Epfo. Mu Bushinwa bamwe mu banduye ni abaherukaga kuva mu mujyi wa Wuhan.
Ibibuga by'indege muri Singapore, Hong Kong na Tokyo mu Buyapani bimaze iminsi bibanza gusuzuma abantu bose bavuye i Wuhan. Abayobozi muri Amerika, mu cyumweru gishize batangaje ingamba nk'izo ku bibuga by'indege bya San Francisco, Los Angeles na New York.
Muri Australia batangaje nabo ko baza gutangira gusuzuma abantu bavuye i Wuhan baza i Sydney. U Bushinwa nicyo gihugu kivamo abakerarugendo benshi bajya muri Australia, umwaka ushize Abashinwa miliyoni imwe bagiye muri Australia.
Hari ubwoba
ko iyo virus ishobora kuba yandura vuba - hari ubwoba kurushaho kandi kuko
miliyoni z'abantu mu Bushinwa bitegura kujya ku ivuko kwizihiza umwaka mushya
mu mpera z'iki cyumweru.
Izi ngendo nyinshi zishobora gutuma abayobozi batabasha
gukumira ikwirakwira ry'iyi virus.Abahanga bavuga ko bishoboka cyane ko hari
abandi bantu benshi banduye ariko batarabonwaho iyi virus.
Raporo
y'ikigo 'Centre for Global Infectious Disease Analysis' ivuga ko bishoboka ko
hari abantu barenga 1,700 banduye iyi ndwara.
Gabriel Leung, umuyobozi w'ishami ry'ubuvuzi muri kaminuza ya
Hong Kong we avuga ko bishoboka ko abanduye bagera ku 1,300.Iki cyorezo
cyatumye abantu bibuka virus ya Sars - yahitanye abantu 774 guhera mu 2000 mu
bihugu bitandukanye muri Aziya.
Ubushakashatsi bwakozwe kuri iyi virus buvuga ko isa cyane na virus ya SarsYitwa kandi 2019-nCoV, bivugwa ko ari ubundi bwoko bwa coronavirus bwigeze kubonwa mu bantu mbere.
Bikekwa ko iva mu nyamaswa zayanduye cyane mu biryo by'ibikomoka mu
nyanja ku masoko yo mu mujyi wa Wuhan.Virus bita corona virus ni ubwoko
bunyuranye bwa virus, ariko ubwoko butandatu muri zo (iyi nshya yabugira
burindwi) nizo zishobora gufata abantu.
OMS isaba abantu kwirinda gukora ku nyamaswa nta turindantoki nko mu guteka inyama n'amagi, ndetse no kwirinda kwegera umuntu ufite ibicurane cyangwa ibisa nabyo. Ibimenyetso by'iyi virus harimo; umuriro, inkorora, kubura umwuka no guhumeka
Src: BBC
TANGA IGITECYEREZO