Mbabazi Innocent ukoresha izina rya Gauchi the Priest mu muziki, yasohoye amashusho y’indirimbo nshya yise “Ceza” ya munani kuri Album yise “Collabo” yitegura kumurika.
Uyu muhanzi azwi cyane mu ndirimbo “Madamu” yakoranye n’umuhanzi Bruce Melodie muri 2014, “Baramujyanye” yasohoye muri Gicurasi 2019, “Ntawakumbuza” yasohoye muri Nzeli 2019 ayikoranye na Gisa cy’Inganzo n’izindi.
‘Ceza’ ni indirimbo ibyinitse ikangurira kwishima mu buzima bwa buri munsi. Igaragaramo abakobwa b’ikimero n’abasore batigisa umubyimba bigatinda.
Amashusho yayo yafatiwe mu bice bitandukanye by’Umujyi wa Kigali ahari ubwogero bunini, Sitade ya Nyamirambo n’ahandi. Kuri iyi Album yise ‘Collabo’ hazaba hariho indirimbo icyenda harimo izo yakoranye n’abahanzi b’abanyarwanda.
Ni mu gihe izindi eshatu zizajya kuri iyi Album ari izo yakoranye n’abahanzi b’abanyamahanga. Iyi ndirimbo ‘Ceza’ ije isanganira indirimbo ‘Ndagarutse’ yari aherutse gusohora mu Ugushyingo 2019.
Amashusho (Video) y’iyi ndirimbo yakozwe na Producer AB Godwin. Ni mu gihe amajwi (Audio) yakozwe Fazzo Big Pro.
Gauchi the Priest yifashishije inkumi n'abasore batigisa umubyimba mu mashusho y'indirimbo "Ceza"
KANDA HANO UREBE AMASHUSHO Y'INDIRIMBO "CEZA" YA GAUCHI THE PRIEST
Eng
RSS 
TANGA IGITECYEREZO