RFL
Kigali

Cristiano Ronaldo mu nyogosho nshya yatangiye umwaka wa 2020 aca agahigo muri Serie A

Yanditswe na: SAFARI Garcon
Taliki:7/01/2020 11:16
0

Rutahizamu rurangiranwa ukomoka muri Portugal Cristiano Ronaldo ukinira Juventus yo mu Butaliyani, watangiranye umwaka wa 2020 ahindura uburyo yiyogoshesha, yanawutangiranye imbaraga zidasanzwe atsinda ibitego 3 mu mukino Juventus yatsinzemo Cagriali ibitego 4-0, anatanga umupira wavuyemo igitego cya kane, ahita yuzuza Hat- trick ya 56 atsinze.



Cristiano yahise aca agahigo ko kuba umunya Portugal wa mbere utsinze ibitego 3 muri shampiyona y’u Butaliyani izwi nka Serie A mu myaka imaze ikinwa,  ku mukino  Juventus yatsinzemo Cagliari ibitego 4-0 birimo n’igitego cyatsinzwe na Gonzalo Huguain ku mupira n’ubundi yahawe na Cristiano.

Ronaldo yatsinze ibi bitego ku munota wa 49,67 kuri penaliti no ku munota wa 82 bituma yuzuza ibitego 26 mu mikino 28 amaze gukina mu marushanwa yose muri uyu mwaka w’imikino wa 2019-2020.

Muri iki kinyejana cya 21, Cristiano Ronaldo ni we mukinnyi wenyine umaze gutsinda ibitego 3 mu mukino umwe muri shampiyona zo ku mugabane w’iburayi zikomeye zirimo Premier League, Serie A na La Liga. Akaba ari we wabaye uwa mbere mu gutsinda ibitego 3 mu mukino mu mwaka wa 2020, muri shampiyona zikurikirwa n’abantu benshi ku mugabane w’iburayi.

Ibitego bitatu yatsinze byahise byuzuza Hat-trick ya 56, uyu rutahizamu ufatwa nka nimero ya mbere ku isi amaze gutsinda kuva yatangira umwuga wo gukina umupira w’amaguru, akaba yahise yuzuza ibitego 13 amaze gutsinda muri uyu mwaka w’imikino muri shampiyona y’u Butaliyani, akaba ari ku mwanya wa gatatu mu bamaze gutsinda ibitego byinshi, Ciro Immobile wa mbere amurusha ibitego 6.

Iyi ntsinzi yafashije ikipe ya Juventus de Turi kuguma ku mwanya wa mbere muri shampiyona y’ u Butaliyani aho ifite amanota 45 mu mikino 18 imaze gukina, ikaba imaze gutsindwa umukino umwe gusa, ikaba inganya amanota na Inter Milan ya kabiri ku rutonde rwa shampiyona.


Cristiano Ronaldo yinjira ku kibuga mbere y'umukino


Cristiano Ronaldo yatangiranye imbaraga zidasanzwe 2020


Cristiano yishimira igitego




Ronaldo yatsinze Hat-trick ya 56 mu mateka






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND