Rayon Sports ibinyujije mu cyo bise “Rayon Sports Day” yakoze igikorwa cyo kwerekana umwambaro mushya w’iyi kipe izambara muri uyu mwaka w’imikino, igikorwa cyabereye kuri Stade ya Kigali mu masaha y’umugoroba wo kuri uyu wa Gatanu. By'umwihariko cyari cyiganjemo ibirori bitangaje, binaryoheye ijisho.
Hari
hubatswe Podium ku kibuga, inzira iza kunyurwamo n’abayobozi ndetse n’abakinnyi
ku mpande zose itatse neza, iyo nzira ikaba yarasaga n’umutuku (tapi rouge)
ikikijwe n’inkumi ndetse n’abasore bari bafite ingoma nziza zigezweho bari
kuzivuza banaririmba badasobanya.
Hahamagarwaga
umukinnyi akava mu rwambariro akinjira mu kibuga asuhuza abafana, yagera kuri
tapi rouge agakebuka agasuhuza abafana bose ari nako bamuririmba banamukomera
amashyi, hanyuma agakomeza imbere akurira Podium aho yahahuriraga n’umuyobozi
runaka wahamagawe akamwambika umwambaro uriho nimero yambara ndetse n’izina rye
n’ubwo hari imyambaro wasangaga itariho amazina y’abakinnyi.
Abakinnyi
bose ba Rayon sports bahawe imyambaro mishya uretse abadahari bitewe n’uko bari
mu ikipe y’igihugu Amavubi. Abakinnyi 21 nibo babonetse banahabwa imyambaro
mishya mu birori byari biryoheye ijisho.
URUTONDE
RW’ABAKINNYI BAHAWE IMYAMBARO MISHYA UKO BAKURIKIRANYE
1.Rugwiro Herve 4
2.Mazimpaka Andre (GK,30)
3.Nsengiyumva Emmanuel Ganza (GK,29)
4.Mugisha Gilbert (12)
5.Iradukunda Eric Radou (14)
6.Bizimana Yannick (23)
7.Sekamana Maxime (24)
8.Tumusime Altijan (28)
9.Runanira Hamza (6)
10. Ciza Hussein (10)
11. Nyandwi Saddam (16)
12.Ndizeye Samuel (25)
13.Omar Sidibé (9)
14.Mike Niyomwungeri (26)
15.Olokwei Commodore (11)
16.Nizeyimana Mirafa (8)
17.Habimana Hussein Eto’o (20)
18.Amran Nshimiyimana (5)
19.Iragire Saidi (2)
20.Irambona Eric Gisa (17)
21.Sarpong Michael (19)
Byose birebe mu mafoto uko byagenze
Umwanditsi – SAFARI Garcon – inyarwanda.com
TANGA IGITECYEREZO