RFL
Kigali

BOX OFFICE: Avengers: Endgame niyo filime ikomeje kugurishwa cyane kurusha izindi ku isi

Yanditswe na: UDAHOGORA Vanessa Peace
Taliki:13/05/2019 12:42
0


Filime Avengers: Endgame ya Buena Vista niyo ikiyoboye urutonde rwa filime ziri kugurishwa cyane ku isi, yaguzwe cyane mu mahanga kurusha iwayo muri Amerika. Iyi filime muri iyi weekend yinjije $63,054,000 muri Amerika gusa, yasohotse kuwa 5 tariki 26/04/2019.



1. Avengers: Endgame

boxoffice

Yaguzwe cyane mu mahanga kuko kugeza ubu wongeyeho amafaranga yacurujwe mu bindi byice byo ku isi, usanga iyi filime yarinjije $2,485,499,739. Niyo filime iheruka ya MCU (Marvel Cinematic Universe), uruhererekane rwa za filime zo mu bwoko bwa superhero zikomoka muri Marvel Comics. Izi filime zatangiye gukorwa muri 2007, kugeza ubu zimaze kuba 22. Avengers: Endgame kuyikora byatwaye miliyoni 356 z’amadolari, irimo abakinnyi bakomeye bagiye bakina mu zindi filime za MCU nka Robert Downey, Jr., Chris Hemsworth, Mark Ruffalo, Chris Evans, Scarlett Johansson, Jeremy Renner, Karen Gillan, Paul Rudd, Josh Brolin, Brie Larson, Bradley Cooper (Ijwi gusa), Elizabeth Olsen, Evangeline Lilly, Letitia Wright, Chadwick Boseman, Gwyneth Paltrow, Winston Duke na Tessa Thompson. Ubushize n’ubundi niyo yari ku mwanya wa mbere.

2. Pokemon Detective Pikachu

boxoffice

Iyi filime yasohotse kuri uyu wa 5 tariki 10/05/2019, icuruzwa na Warner Bros., muri iyi weekend yinjije $58,000,000 muri Amerika. Gukora iyi filime byatwaye miliyoni 150 z’amadolari, kugeza ubu ku isi hose imaze kwinjiza $170,400,000.

3. The Hustle

boxoffice

Nayo yasohotse kuri uyu wa gatanu tariki 10/05/2019, muri iyi weekend yinjije $13,536,298 muri Amerika gusa. Icuruzwa na United Artists Releasing, ikaba mu bwoko bwa comedy gusa amafaranga yakoreshejwe mu kuyitunganya ntiyigeze atangazwa. Ku isi hose iyi filime yinjije $27,236,298, irimo abakinnyi nka Rebel Wilson na Anne Hathaway.

4. The Intruder (2019)

boxoffice

Ni filime iri mu bwoko bwa Thriller yasohotse tariki 03/05/2019 ikaba icuruzwa na Sony/Screen Gems. Muri iyi weekend yinjije $6,600,000, kuva yasohoka kugeza ubu imaze kwinjiza $21,318,059. Kuyikora byatwaye miliyoni 8 z’amadolari, ubushize yari iri ku mwanya wa 2.

5. Long Shot

boxoffice

Nayo yasohotse tariki 03/05/2019, muri iyi weekend yinjije $6,125,000, ku isi hose imaze kwinjiza $22,935,242. Ni filime isekeje icuruzwa na Lionsgate/Summit, ubushize yari ku mwanya wa 3. Ayo byatwaye ngo itunganywe ntabwo azwi.

6. Poms

boxoffice

Ni filime y’urwenya ya STX Entertainment, yasohotse kuri uyu wa 5 tariki 10/05/2019. Muri iyi weekend yinjije $5,110,000 ari nayo gusa imaze kwinjiza kuko iri gucuruzwa muri Amerika gusa. Ayo byatwaye ngo ikorwe ntabwo yigeze atangazwa.

7. Uglydolls

boxoffice

Iri mu bwoko bwa Animation, icuruzwa na STX Entertainment ikaba yarasohotse tariki 03/05/2019. Muri iyi weekend yinjije $3,920,000, kuyikora byatwaye  miliyoni 45 z’amadolari, kuva yasohoka kugeza ubu imaze kwinjiza $15,892,796. Ubushize yari ku mwanya wa 4.

8. Breakthrough

boxoffice

Iyi ni filime yo mu bwoko bwa Drama icuruzwa na Fox, yasohotse tariki 17/04/2019. Muri iyi weekend yinjije $2,466,000, kuva yasohoka kugeza ubu imaze kwinjiza $45,860,190, kuyikora byatwaye miliyoni 14 z’amadolari, ubushize yari ku mwanya wa 6.

9. Tolkien

boxoffice

Nayo iri mu bwoko bwa Drama icuruzwa na Fox Searchlight, yasohotse kuri uyu wa gatanu tariki 10/05/2019. Yinjije $2,153,000 muri iyi weekend muri Amerika gusa dore ko ari naho icuruzwa gusa kugeza ubu. Ntihigeze hatangazwa amafaranga yakoreshejwe ngo iyi filime itunganywe.

10. Captain Marvel

boxoffice

Captain Marvel iri mu bwoko bwa Action/ Adventure, ikaba irimo abakinnyi nka Brie Larson, Samuel L.Jackson, Ben Mendelsohn n’abandi batandukanye. Ni filime yasohotse tariki 08/03/2019, muri iyi weekend yinjije $1,813,000 muri Amerika gusa. Icuruzwa na Buena Vista, amafaranga byatwaye ngo iyi filime itunganywe ntiyigeze atangazwa, ku isi hose imaze kwinjiza $1,123,169,767. Ubushize yari ku mwanya wa 5.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND