Bruce Melody agiye kwerekeza mu Bubiligi mu gitaramo we na Dj Marnaud batumiwemo

Bruce Melody na DJ Marnaud nibo banyamuziki byitezwe ko bazava muri iki gitaramo kizabera mu Bubiligi aho bazafatanya na Dj Princess Flor umunyarwandakazi uvangavanga imiziki umaze kwamamara mu gihugu cy'Ububiligi, iki kikaba ari igitaramo byitezwe ko kizitabirwa n'umubare munini w'abanyarwanda baba mu Bubiligi kimwe n'inshuti zabo bazaba bagiye kwishimana n'aba bahanzi batumiwe ku mugabane w'Uburayi.

Bruce Melody agiye kwtabira igitaramo cyatumiwemo na Dj Maranaud

Usibye iki gitaramo bazahuriramo, aba bagabo byitezwe ko hari n'ibindi bihugu bashobora kuzataramiramo n'ubwo bitaramenyekana dore ko ibiganiro bigikomeje. Dj Marnaud yaherukaga mu gihugu cya Nigeria aho yacuranze mu gitaramo cya Wizkid mu gihe ari ubwa mbere agiye ku mugabane w'Uburayi. Bruce Melody we araba ataramira mu Bubiligi aho yakoreye igitaramo muri 2017 uwo yari yatumiwe nabwo ngo asusurutse abakunzi ba muzika muri iki gihugu.

Byitezwe ko iki gitaramo cyatangiye no kwamamazwa kizabera i Birmingham Place, kwinjira bikazaba ari ama Euro 15 ku bazagura itike mbere na 20 ku bazayigurira ku muryango.