RFL
Kigali

TAB-2019: Areruya Joseph ubitse La Tropicale Amisa Bongo 2018 mu ikipe y’abakinnyi 6 bazahagarira u Rwanda

Yanditswe na: Mihigo Saddam
Taliki:21/12/2018 13:11
0

Areruya Joseph umunyarwanda w’imyaka 22 uheruka gutwara irushanwa mpuzamahanga rya La Tropicale Amisa Bongo (TAB) 2018, kuri ubu ari mu bakinnyi batandatu bazahagararira u Rwanda mu iri rushanwa rizaba mu 2019 kuva taraki 21-26 Mutarama 2018 muri Gabon.



 Areruya Joseph kuri ubu ukinira ikipe ya Delko Marseille mu Bufaransa, azaba ayoboye bagenzi be barimo; Munyaneza Didier, Samuel Mugisha, Uwizeyimana Boanaventure, Nkurunziza Yves na Jean Claude Uwizeye.

Muri aba bakinnyi batandatu (6) bazaba batozwa na Sempoma Felix, bane muri bo bitabiriye Tour du Rwanda 2018 barimo; Mugisha Samuel, Uwizeye Jean Claude, Uwizeyimana Bonaventure na Didier Munyaneza.

Muri aba bakinnyi, Nkurunziza Yves wa Benediction Continental Team niwe mukinnyi urimo ugiye gukina bwa mbere ku rwego mpuzamahanga akina mu ikipe nkuru y’igihugu.


Nkurunziza Yves muri Rwanda Cycling Cup 2018 yavaga i Musanze igana i Rubavu

Mu Mwaka wa 2018, Team Rwanda yakinnye La Tropicale Amisa Bongo 2018 yari igizwe na Ndayisenga Valens, Uwizeyimana Bonaventure, Areruya Joseph, Ukijiwabo Rene Jean Paul,Ruberwa Jean Damascene na Munyaneza Didier.

Bivuze ko kuri iyi nshuro, Ndayisenga Valens, Ukiniwabo Rene Jean Paul na Ruberwa Jean Damasecene ntabwo bagarutsemo kuko hajemo Nkurunziza Yves, Uwizeye Jean Claude na Mugisha Samuel.

Areruya Joseph wamaze gutorwa nk’umukinnyi wahize abandi muri Afurika, azaba ari umuyobozi wa bagenzi be nabo batoroshye basanzwe bakina amarushanwa y’imbere mu Rwanda no hanze yarwo, aba bose bazaba batahana nbashaka ko Team Rwanda yakongera kwisubiza La Tropicale Amisa Bongo 2019.

Abakinnyi 6 bagize Team Rwanda izakina La TAB 2018:

1.Joseph Areruya

 2. Samuel Mugisha

3. Bonaventure Uwizeyimana

4. Didier Munyaneza

5. Nkurunziza Yves

6. Jean Claude Uwizeye


Ubwo Areruya Joseph na Team Rwanda bakirwaga i Kigali bazanye igikombe cya La Tropicale Amisa Bongo 2018

Inzira za La Tropicale Amisa Bongo 2019:

Etape 1: Bongoville › Moanda (Tariki 21 Mutarama 2019)

Etape 2: Franceville › Okondja (Tariki 22 Mutarama 2019)

Etape 3: Léconi › Franceville (Tariki 23 Mutarama 2019)

Etape 4: Mitzic › Oyem (Tariki 24 Mutarama 2019

Etape 5: Bitam › Mongomo (Tariki 25 Mutarama 2019)

Agace ka gatandatu: Bitam › Oyem (Tariki 26 Mutarama 2019)

Dore abatwaye La Tropicale Amisa Bongo kuva mu 2006:

2006: Jussi Veikkanen (FIN)      

2007: Frédéric Guesdon (FRA)  

2008: Lilian Jégou (FRA)  

2009: Matthieu Ladagnous (FRA)      

2010: Anthony Charteau (FRA) 

2011: Anthony Charteau (FRA) 

2012: Anthony Charteau (FRA) 

2013: Yohann Gène (FRA)

2014: Natnael Berhane (ERI)     

2015: Rafaâ Chtioui (TUN)        

2016: Adrien Petit (FRA)  

2017: Yohann Gène (FRA)

2018: Joseph Areruya (RWA)






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND