CECAFA WOMEN 2018: Tanzania yatwaye igikombe ku nshuro ya kabiri yikurikiranya-AMAFOTO

Nyuma yo kuba yari yatsinze Ethiopia ibitego 4-1 mu mukino usoza ine buri kipe yakinnye, Tanzania yahise iyoyora amahirwe y’u Rwanda rwari gukina na Kenya mu mukino wakurikiyeho kuko byasagaba ko u Rwanda rutsinda ibitego 8-0 kugira ngo rwizere igikombe mu buryo bwihuse.

Ibi ntibyaje gushoboka ndetse ntabwo byoroheye u Rwanda kuko rwahise rutsindwa na Kenya ibitego 2-0 mu mukino wari utegerejwe kugira ngo Tanzania ihabwe igikombe kuko Kenya yatangiye gutsinda hakiri kare.

Ku munota wa 11’ Kenya yari yamaze kubona igitego cyatsinzwe na Mercy Onyango Omondi kuri penaliti mbere yuko Tereza Obunyu Engesha ashyiramo igitego cya kabiri ku munota wa 59’ nyuma yo kwinjira asimbuye Esse Mbeyu Akida ku munota wa 54’.

Nyuma yuko imibare y’imikino yari irangiye, Tanzania yaje ku mwanya wa mbere yahise igira amanota arindwi (7) mu mikino ine (4) ikaba izigamye ibitego bitandatu (6). Tanzania yatsinze Uganda ibitego 4-1, batsinda Ethiopia ibitego 4-1, banganya na Kenya igitego 1-1 nyuma yo kuba baratsinzwe n’u Rwanda igitego 1-0.

Uwacu Julienne Minisitiri w'umuco na Siporo mu Rwanda afatanyije na Nicolas Musonye uyobora CECAFA bashyikirije igikombe Asha Saada Rashid kapiteni wa Tanzania

Tanzania bishimira igikombe batwaye ibihugu bine bari bahatanye

Ethiopia yatahanye umwanya wa kabiri inahabwa igihembo cy'ikipe yagaragaje ubworoherane mu kibuga

Uganda yafashe umwanya wa kabiri n’amanota arindwi (7) inganya na Tanzania ariko ikaba ifite umwenda w’igitego kimwe (1). Ibi byavuye mu kuba baranyagiwe na Tanzania ibitego 4-1, banganya n’u Rwanda ibitego 2-2, batsinda Kenya igitego 1-0 bakaba baranatsinze Ethiopia ibitego 2-1.

Ethiopia ni iya gatatu n’amanota atandatu ikaba nta gitego ibazwa cyangwa izigamye. Ethiopia yanyagiye u Rwanda ibitego 3-0, inyagirwa na Tanzania ibitego 4-1, itsinda Kenya igitego 1-0 ikaba yaranatsinzwe na Uganda ibitego 2-1.

Kenya iri ku mwanya wa kane n’amanota ane (4) nta gitego ibazwa cyangwa icyo izigamye. Kenya yanganyije na Tanzania igitego 1-1, batsindwa na Ethiopia igitego 1-0, batsinda u Rwanda ibitego 2-0 bakaba baratsinzwe na Uganda igitego 1-0.

U Rwanda rwakiriye irushanwa rwafashe umwanya wa nyuma (Gatanu) n’amanota ane (4) aherekejwe n’umwenda w’ibitego bine (4). U Rwanda rwatangiye rutsinda Tanzania igitego 1-0, runyagirwa na Ethiopia ibitego 3-0, banganya na Uganda ibitego 2-2 mbere yo gutsindwa na Kenya ibitego 2-0.

Urutonde:

1.Tanzania: 7 Pts (6)

2.Uganda: 7 Pts (-1)       

3.Ethiopia: 6 Pts (0)        

4.Kenya: 4 pts (0)            

5.Rwanda : 4 Pts (-4)

Uganda yabaye iya gatatu muri iri rushanwa 

Fatuma Issa Maonyo ukina mu mutima w’ubwugarizi mu ikipe ya Tanzania niwe wabaye umukinnyi witwaye neza mu irushanwa, Ethiopia iba ikipe yagaragaje ubworoherane (Fair Play) mu gihe Aturo Ruth umunyezamu wa Uganda ariwe wahize abandi bose bakina uyu mwanya.

Abakinyi b'u Rwanda ubwo bari bamaze gutsindwa na Kenya

Abasifuzi bahawe imidali y'ishimwe 

Uva ibumoso: Ware Birtukan yari ahagarariye Ethiopia yahembwe nk'ikipe yagaragaje ubworohera, Fatuma Issa Maonyo (hagati) umukinnyi w'irushanwa na Arturo Ruth (Ubanza iburyo) umunyezamu w'irushanwa

Fatuma Issa Fensa Maonyo umukinnyi w'irushanwa (MVP)

Ware Birtukan kapiteni wa Ethiopia yakira igihembo cy'ikipe ye yarushije izindi mu bworoherane

Ufitenema Clotilde (2) yaje mu kibuga asimbuye Mukeshimana Jeannette ku munota wa 81' 

Munyaneza Jacques uzwi nka "Rujugiro" afana APR FC n'Amavubi 

Nkundamatch w'i Kilinda afana Rayon Sports n'Amavubi

Abakinnyi ba Kenya bishimira igitego batsindiwe na Mercy Onyango ku munota wa 11'

11 b'Amavubi babanje mu kibuga bakina na Kenya 

11 ba Kenya babanje mu kibuga bakina n'u Rwanda

Dore gahunda y’imikino yarangiye:

Kuwa Kane tariki 19 Nyakanga 2018

-Kenya 0-1 Uganda: (Mtuuzo Lilian 7')  

-Rwanda 1-0 Tanzania: (Kalimba Alice 34')

Kuwa Gatandatu tariki 21 Nyakanga 2018

-Ethiopia 1-2 Uganda: ( Ware Birtukan 30' (Ethiopia), Aruka Grace68'  & Nakayenze Yudaya 75') 

-Kenya 1-1 Tanzania (Donisia Daniel Minja 12' (TZ) & Mwanalima Adam Jereko 20'(Ken)  

Kuwa Mbere tariki 23 Nyakanga 2018

-Uganda 1-4 Tanzania:  ( Asha Saada Rachid 17' , Asha Shaban 45+1', Donisia Daniel Minja 23', Shaban Hamza for TZ & Nankya Shadia (UG):90+1')

-Rwanda 0-3 Ethiopia:  ( Meselu Abera Tesfamariam 32', Alemnesh Geremew Asefa 65' & Senaf Wakuma Demise 76').

Kuwa Gatatu tariki 25 Nyakanga 2018

-Kenya 0-1 Ethiopia (30'Meselu Abera Tesfamariam) 

-Uganda 2-2 Rwanda (Lilian Mtuuzo 54' & Alupo Norah 75', Ibangarye 65' & Mukeshimana Jeannette 87')

Kuwa Gatanu tariki 27 Nyakanga 2018

-Ethiopia 1-4 Tanzania ( Meselu Abera Tesfamariam 29' (Ethiopia), Mwanahamisi Omary 46', Donisia Daniel Minja 57', Stumai Abdallah Hamza 60' & Fatuma Mustafa Swalehe 90+2')

-Rwanda 0-2 Kenya (Mercy Onyango 11' & Tereza Obunyu 59')

Nyirabashyitsi Judith Ingabire  yari yabanje hanze ajya mu kibuga ku munota wa 43' ubwo Uwizeyimana Helene yari amaze kuvunika intoki

Uwizeyimana Helene avurwa nyuma yo kugira ikibazo ku ntoki

Izo mpinduka zabaye nyuma yuko Mercy Onyango yari amaze kubavumba igitego

Igikombe cyatashye i Dar Es Slaam

Nibagwire Sifa Gloria ashoreye umupira hagati mu kibuga 

PHOTOS: Saddam MIHIGO (Inyarwanda.com)