Kigali

Inkomoko, ibisobanuro n’imiterere y’abitwa ba Lydie

Yanditswe na: UDAHOGORA Vanessa Peace
Taliki:3/08/2017 14:14
0

Lydie ni izina rifite inkomoko mu bugereki kuko Lydie bisobanura “umuja ukomoka I Lydia mu Bugereki”. Iri zina rikunze kwitwa abantu bakomoka mu bihugu by’i Burayi n’ahakoreshwa igifaransa n’icyongereza.



Imiterere ya ba Lydie

Iyo umubonye, ubona atuje, atavuga menshi kandi ntakunda gutanga ibitekerezo mu ruhame gusa Lydie akunda abantu kandi arasabana. Aratoranya cyane, bivuze ko atajya agira igihiriri cy’inshuti zidafiter akamaro. Agumana abantu baringaniye ariko afata nk’ab’umumaro. Akunda umurimo kandi akunda kugira ibyo ageraho ku giti cye ntawe ubimufashijemo gusa nanone imishinga ye icibwa intege n’uko akunda guhangayikishwa n’utuntu duto.

Lydie arashoboye kandi azi kwita ku nshingano ze, ashobora kuba intwari cyane iyo bikenewe. Arihangana cyane kandi agakomera igihe ahuye n’ikintu kimugerageza. Iyo havutse imbogamizi cyangwa ikibazo, amenya kugikemura mu buryo bworoshye kuko biri muri kamere ye. Yita cyane ku buryo abantu bamubona kandi yifuza ko abantu bamubonamo intangarugero. Amarangamutima ye arabanguka, ashobora kubabara cyangwa kurakara ku buryo bworoshye, nicyo kimwe no kwishima. Akunze kumva guceceka no kutavuga uko amerewe ari byo byiza, iyo afite ikintu kitamworoheye ahitamo kuba ari wenyine agatekereza uburyo yabisohokamo. Ni umunyamatsiko, aba afite ibintu byinshi cyane akunda icyarimwe gusa akunda cyane ibintu bishya kuri we.

Iyo akiri umwana, Lydie ntiyiyizera ku buryo bisaba ko ababyeyi bamutinyura gukora ibintu bimwe na bimwe. Afite ubushobozi bwo kuba umwana ucecetse cyane hanyuma mu kandi kanya akaba yakwisanzura akavuga akanaseka. Agira umutima mwiza, akunda kuganira n’ncuti ze cyane cyane agashimishwa no kuba ari kumwe nazo bagaseka bakagirana ibihe byiza. Abantu bashobora kumubona nk’umuntu ukunda ubuzima bwiza kandi bworoshye, ni umugwaneza kandi azi uburyo buboneye bwo kuganiriza abantu. Mu rukundo, si umuntu woroshye nk’uko wabitekereza. Kuba yoroshye mu mibanire n’abantu bishobora gutuma utekereza ko no mu rukundo yoroshye. Yoroshya ibintu ariko akanga cyane umuntu urenga imipaka, iyo hari ibyo abona warengereye, akoresha imvugo yoroheje akakugaragariza ko wamuvogereye. Ashobora gutegeka no gushaka kuba ari we ibintu byose bishingiraho mu rukundo, ntiyinginga kuko kuri we yemera ko ugukunda akugumaho utabishoboye akagenda.

Mu mirimo yifuza gukora harimo imenyekanishabikorwa, imirmo isaba kutaguma hamwe, mwigisha, itumanaho cyangwa ibijyanye n’ubugeni, imideli, itangazamakuru n’ibindi byose bimusaba guhura n’abantu batandukanye.

 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND