Ikipe ya University of Kibungo Volleyball Club (UNIK VC) yatwaye igikombe cya shampiyona 2015-2016, kuri ubu iri ku mwanya wa gatandatu n’amanota atanu (5) mu gihe Gisagara Volleyball ikipe nshya muri shampiyona ihagaze ku mwanya wa kabiri n’amanota umunani (8) inganya na IPRC South VC.
Umukino wa UNIK VC na Gisagara VC uzakinirwa ku kibuga cya Kaminuza ya Kibungo kuwa Gatandatu saa munani z’amanywa (14h00’).Iki kibuga kiri mu murenge wa Kibungo kandi kizakira umukino wa UNIK na UTB VC saa yine (10h00’) ndetse n’umukino UTB izakina na Gisagara VC saa sita z’amanywa (12h00’).
Kuri uyu munsi kandi, ikipe ya IPRC South VC iyoboye shampiyona n’amanota umunani (8), izaba yakira ikipe ya APR VC iri ku mwanya wa gatatu n’amanota arindwi (7).Umukino uzabera mu kigo cya IPRC South kiri mu ntara y’amajyepfo. Ikipe ya Kirehe VC iri ku mwanya wa karindwi n’amanota abiri (2) izaba yakira imikino itatu ku kibuga cyayo.
Kuri iki kibuga, Kirehe VC izatangira yakira Kigali Volleyball Club (KVC) saa yine (10h00’) mbere yuko KVC yakira REG VC saa sita(12h00’).Kirehe izasoza yisobanura na REG saa munani z’amanywa (14h00’).
Dore uko imikino iteganyijwe:
Kuwa Gatandatu tariki ya 7 Mutarama 2017
*UNIK VC vs UTB VC (Ngoma, 10h00’)
*UTB VC vs Gisagara VC (Ngoma, 12h00’)
*UNIK VC vs Gisagara VC (Nghoma, 14h00’)
*IPRC South VC vs APR VC (IPRC South, 10h00’)
*Kirehe VC vs KVC VC (Kirehe, 10h00’)
*KVC VC vs REG VC (Kirehe, 12h00’)
*Kirehe VC vs REG VC (14h00’)
Urutonde rwa shampiyona:
1.IPRC South VC 8
2.Gisagara VC 8
3.APR VC 7
4.REG VC 5
5.UTB VC 5
6.UNIK VC 5
7.Kirehe VC 2
8.KVC 2