Iyi mikino izakinwa guhera kuwa gatandatu cyo kimwe no ku cyumweru mu mpande zitandukanye z’igihugu ndetse n’imyiteguro ikaba igeze kure nk’uko ubuyobozi bw’iri shyirahamwe bubitangaza.
Mu makipe azava hanze y’u Rwanda harimo Kenya,Burundi, Uganda, Sudan y’Epfo na DR Congo.Gusa muri rusange iri rushanwa rizitabirwa n’amakipe 22 haba mu cyiciro cy’abagore ndetse n’abagabo.
Nkurunziza Gustave Umuyobozi mukuru w'ishyirahamwe ry'umukino wa Volleyball mu Rwanda (FRVB)
Iri rushanwa rizaba rigizwe n’amakipe aza mu myanya y’imbere ku rutonde rw’agateganyo, gusa mu cyiciro cy’abagabo haziyongeraho ikipe ya Rayon Sports yatwaye iki gikombe umwaka ushize.
Mu cyiciro cy’abakobwa hazitabira amakipe ane (4) ariyo; Revenue Authority, APR, St Alloys Rwamagana na Ruhango naho mu bagabo hazitabira; APR, Rayon Sports, Kirehe, INATEK na IPRC-South.
Ikipe ya INATEK Volleyball Club
Mu makipe azaturuka hanze y’u Rwanda harimo; Kampala Amateur Volleyball club, Ndejje University na Sport S mu cyiciro cy’abagabo . Andi makipe yitezwe hano mu Rwanda ni Cobra (South Sudan) na VC Espoir (DR Congo) , Kenya Sports Authority na Nairobi Waters.
Ikipe ya APR Volleyball Club
Mu cyiciro cy’abagore harimo Kenya Commercial Bank (KBC) na Nairobi Waters, Ugandan trio Vision, Sport S na Ndejje University.
Nk’uko umuyobozi w’ishyirahamwe ry’umukino wa Volleyball mu Rwanda Nkurunziza Gustave yabitangarije itangazamakuru, ku makipe azaturuka mu bihugu bitari u Rwanda azaba yemerwe gukoresha umukinnyi abakinnyi babiri batari ababo ariko mu gihe cy’umukino nyirizina bakinjiza umwe mu kibuga.Mu gihe amakipe yo mu Rwanda azaba yemerwe gukinisha abakinnyi babiri bakomoka mu makipe atazitabira irushanwa.
Rayon Sports Volleyball Club niyo yatwaye igikombe cyo kwibuka mu mwaka wa 2015
Nkurunziza yakomeje avuga ko amakipe aturuka mu bihugu byo hanze y’u Rwanda biteganyijwe ko agera mu Rwanda guhera kuri uyu wa gatanun kugeza kuwa gatandatu mu gitondo.Amakipe yose azaba ari bugere mu Rwanda ntagisibya, azatangazwa mu kanama ka tekinike kagomba guterana kuri uyu wa gatanu.
Rwanda Revenue Authority Women Volleyball Club yatwaye igikombe giheruka
Mu marushanwa yo kwibuka yabaye umwaka ushize, ikipe ya Rayon Sports yatwaye igikombe mu gihe amakipe nka APR VC, Nemo Stars ya Kenya na INATEK VC zaje mu makipe ane ya mbere.Mu gihe mu cyiciro cy’abagore ikipe ya RRA VC yatwaye igikombe ikagaragirwa na , Nairobi Water, Vision VC na Sport S.
Rimwe mu mategeko agenga iri rushanwa nuko amakipe azaturuka hanze y’u Rwanda ndetse n’aya hano mu Rwanda, azajya mu matsinda atandukanye ariko amakipe yatwaye ibikombe haba mu cyiciro cy’abagore ndetse n’abagabo azajya ashyirwa mu itsinda ririmo amakipe macye kuko n’ubundi ntago amatsinda azaba anganya amakipe.
Mu bibuga bizakoreshwa harimo, Sitade nto ya Remera, NPC Gymnasium,ikibuga cya Primature na SFBmun cyiciro cy’abagabo naho abagore bazakinira ku kibuga cya Ecole Belge, Kimisagara na Club Rafiki.
Nemo Stars