Mu ijoro ryo kuwa Kabiri tariki ya 15 Mata 2014 nibwo Bagabo Adolphe umuhanzi mu njyana nyafurika wamenyekanye cyane ku izina rya Kamichi yerekeje muri Leta Zunze Ubumwe za Amerika mu rugendo rwe bwite yavugaga ko nta kindi kimujyanye kitari ukwitemberera akazagaruka i Kigali tariki 08/06/2014 cyangwa mbere yaho.
Aha Kamichi yasezeraga imwe mu nshuti ze zari zamuherekeje ubwo yagendaga
Gusa kugeza ubu umuntu ashobora kwibaza niba uyu musore yaba atari mu nzira zo gutera ikirenge mu cya bagenzi be bandi nabo bagiye bavuga ko bazagaruka ariko bikarangira bahezeyo dore ko mu minsi micye ishize aribwo Kamichi yatangaje ko itariki yateganyaga kugarukiraho yigiye inyuma n’ubwo mu guhaguruka i Kigali yavugaga ko adashobora kuyirenza ahubwo igishoboka ari ukuza mbere yayo.
Nyinshi mu nshuti za Kamichi zari zamuherekeje
Ikindi cyagutera kwibaza byinshi kuri Kamichi ni imvugo ye nayo yatangiye guhinduka dore ko n’ubwo ubwo yari ku kibuga cy’indege yitegura kwerekeza muri Leta Zunze Ubumwe za Amerika yari yadutangarije ko agiye muri iki gihugu mu rwego rwo gutembera no gusura inshuti ze, ubu noneho uyu musore akaba arimo avuga ko akazi yari yagiye gukora katinze kurangira akaba ariyo mpamvu nyamukuru yatumye atinda ariko akemeza ko azagaruka.
Mu Kiganiro na Kamichi mu gitondo cy’uyu wa Mbere tariki ya 09/06/2014 mu gihe twari tumaze kubona ko itariki yasize abwiye abanyarwanda yarenze twifuje ko yaduha ubusobanuro n’impamvu nyakuri itumye atagarukira igihe by’umwihariko akamara impungenge abakunzi be n’abakurikiranira umuziki nyarwanda hafi bafite impungenge ko nawe yaba yarababeshye ko azagaruka nyamara bitari muri gahunda ze.
Kamichi ngo aherereye mu mujyi wa Chicago
Kamichi aganira n’inyarwanda yagize ati “ Ntunyitiranye n'undi man.(yashakaga kuvuga abandi bagiye bavuga ngo bazagaruka ariko ntibagaruke) Njye natinze kubera ko akazi kanjyanye katararangira kandi nabitangaje mbere y'uko itariki nababwiye igera.”
Kamichi akomeza agira ati “ Ndi gukora kuri Album yanjye ya kane kandi biri kuryoha, mfite indirimbo ziryoshye kurusha izo nakoze igihe cyose. Sinaza igitaraganya rero kubera pressure(Igitutu) y'itangazamakuru , abafana bo babimenye ko ndi gutinda kugira ngo mbashe gukora ibishimisha imitima yabo...turi gukora indirimbo Audio na Video. So, kugaruka nzagaruka. business yanjye iri mu Rwanda.”
Tugarutse kubyo Kamichi yari yatangaje ubwo yahagurukaga i Kigali. Mu magambo ye ubwo yaganiraga n’inyarwanda.com ari ku kibuga cy’indege habura iminota micye ngo afate indege, Kamichi abajijwe gahunda zimujyanye, niba azagaruka n’igihe azagarukira yagize ati ” Ngiye gusura The Ben, apana Emely Du Bois(Umunyamerikakazi bakundanaga uherereye muri USA). u Rwanda rufite abanyarwandakazi beza sinzongera gukundana n’umuntu wiyo ng’iyo, umunyarwandakazi ahari ‘Umwamikazi’.”
Akomeza agira ati “ Nzagaruka tariki 08 z’ukwagatandatu nibiba ngombwa ko ngaruka mbere nzaza. Nihagira umuntu ubwira ko yamboneye ikiraka mu Rwanda kirenze amafaranga naguze itike y’indege nzaza mbere y’icyo gihe ariko gahunda yanjye ni ukugaruka tariki 08 z’ukwa Gatandatu.”
Dore ikiganiro inyarwanda.com yari yagiranye na Kamichi ubwo yari agiye gufata indege
Nta gihamya dufite kubigendanye na gahunda Kamichi arimo muri Leta Zunze Ubumwe za Amerika dore ko nawe ubwe yatangiye kugaragaza kwivuguruza gusa ukurikije ibyo yatangaje ubwo yagenda nibyo arimo atangaza ubu bigaragaza ukwivuguruza ari nabyo umuntu ashobora gushingiraho yibaza niba koko uyu musore nawe yaba atagiye kuzana umuti wa mperezayo muri iki gihugu dore ko ataba ariwe wa mbere ugiye muri ubu buryo.
Reba hano amashusho y'indirimbo Mwenyura, imwe muzafashije Kamichi
Reba amashusho y'indirimbo Imitoma irenze
Nizeyimana Selemani
Eng
RSS 
TANGA IGITECYEREZO