Kuva mu ntangiriro zuyu mwaka wa 2014 nkuko benshi bamaze kubimenyera, inyarwanda.com yashyizeho gahunda yo kuzajya ibagezaho indirimbo 10 nshya buri wa bere wicyumweru ziba zatugezeho mu cyumweru tuba dusoje.
Muri iyi nkuru uretse kubagezaho izi ndirimbo tunabagezaho amakuru mashya azerekeyeho cyangwa se y’abahanzi bazihimbye.
1.Big dreams, iyi ni indirimbo ihuriyemo abaraperi batandukanye barimo Diplomate, Pacson, Pfla, Dany Nanone, Green P, White monkey ndetse na P.U.S.H.A. iyi ndirimbo yatunganyirijwe muri Bridge record hamwe na producer Feezy ari nawe wagize igitekerezo cyo guhuriza hamwe aba baraperi bose bagakorana indirimbo. Benshi mu bamaze kumva iyi ndirimbo bongeye gushimangira ko harimo abaraperi bamwe na bamwe bongeye kwatakana. Aha ibyumvikana cyane akaba ari amagambo yaririmbwe na Diplomate benshi bakeka ko yasubizaga amagambo Fireman yaririmbye mu ndirimbo Ntibagira isoni ya Tuff gangs.
2.Wimbihiriza, ni indirimbo y’umuraperi N.P.C afatanije na Knowless ikaba byatunganyijwe na producer Clement muri Kina music. Uyu muraperi wamenyekanye cyane mu njyana ye yihariye ya Hip hop yise injyana nsazi yatangaje ko muri iyi minsi arimo yifuza kugenda akorana n’abahnzi batandukanye ndetse adashyigikiye na gato uburyo abaraperi muri iki gihe bakomeje kugenda baterana amagambo mu ndirimbo zabo.
3.Uratabawe, ni indirimbo yo kuramya no guhimbaza Imana yakozwe na Karyango Bright afatanije na Gabby Kamanzi. Uyu musore Karyango Bright akaba ari umwe mu bakomeje kugenda bigaragaza mu ndirimbo ziri mu njyana ya hip hop zo kuramya no guhimbaza Imana, nyuma y’uko yatangiye numuziki akora indirimbo zisanzwe ariko nyuma akaza gufata ikemezo cyo gukora indirimbo za Gospel gusa.
4. Akanya Gato, ni indirimbo y’urukundo iri mu njyana ya R&B yashyizwe ahagaragara n’umuhanzi G-Bruce ndetse ikaba yasohotse iherekejwe n’amashusho yayo. Uyu musore ubundi akaba asanzwe azwiho cyane gufasha abaraperi mu nyikirizo z’indirimbo zabo aho yakunze gufasha by’umwihariko Pfla ndetse Ciney.
5.Basa bose, ni indirimbo y’umuraperi Fireman afatanije na Safi wo mu itsinda rya Urban boys.Iyi nayo ikaba iri no kuri album ye nshya aherutse gushyira ahagaragara. Iyi ndirimbo yatunganyirijwe muri Super Level ikozwe na producer Fazzo.
6.Umuhungu wa muzika, iyi nayo ni indirimbo ya Fireman nayo ikiri nshya cyane aho ari kumwe n’umuhanzi Bruce Melody. Muri iyi ndirimbo Fireman aba yivuga ibigwi aho ashimangira ko yabyawe n’umuziki ndetse akaba ariwe muraperi uyoboye abandi bose i Kigali.
7.Nakubiswe, ni indirimbo y’umuraperi Major X uturuka mu itsinda rya Flat pepers. Uyu musore usanzwe ari na mubyara w’umuraperi Jay Polly akomeje kuvuga ko adateze gucika integer mu rugamba rw’umuziki nyarwanda n’ubwo atabura kuvuga ko abagakwiye kumufasha barimo na mubyara we Jay Polly basangiye akazi bamutereranye.
8.Urukundo, ni indirimbo y’umuhanzi ukora injyana ya hip hop ukizamuka witwa Bay-G ikaba yaratunganyijwe na producer Davydenko muri F2K production. Muri iyi ndirimbo uyu muraperi ukizamuka aba yibaza icyo urukundo aricyo akurikije uburyo abona muri iyi minsi urukundo rwayooyotse ku isi.
9.Komeza ukine, ni indirimbo y’umuhanzikazi ukizamuka witwa Lucky Coco yatunganyijwe na T-Brown, nayo ikaba igaruka ku makosa amwe namwe akunze kugaragara hagati y’abakundana.
10.Gusenga, ni indirimbo y’umuhanzi uzamuka witwa G-Stone. N’ubwo asanzwe aririmba indirimbo zisanzwe, kuri ubu yahisemo gukora indirimbo yo kuramya no guhimbaza Imana.
Selemani Nizeyimana
Eng
RSS 
TANGA IGITECYEREZO