Umukinnyi w'Umunyarwanda, Samuel Gueulette yegukanye igihembo cy'umukinnyi mwiza w'ukwezi mu ikipe ye ya Raal La Louviere yo muri shampiyona y'icyiciro cya Kabiri mu Bubiligi.
Iyi kipe ni yo yabitangaje ibinyujije ku mbuga nkoranyambaga zayo kuri uyu wa Kabiri tariki ya 4 Gashyantare 2025. Iki gihembo cy'umukinnyi mwiza w'uku kwezi kwa Mutarama, Samuel Gueulette yari agihataniye na Mohamed Guindo, Fadel Gobitaka na Djibril Lamego.
Uyu mukinnyi w'Amavubi ukina mu kibuga hagati afasha ba rutahizamu gusatira, yegukanye iki gihembo nyuma y'uko muri uku kwezi yabanje mu kibuga inshuro 2 mu mikino 3 ikipe ye yakinnye.
Samuel Gueulette yageze muri iyi kipe ikina shampiyona y'icyikiro cya Kabiri mu Bubiligi muri 2021 avuye mu ikipe ya K.S.V. Roeselare nayo yo muri iki gihugu.
Kugeza ubu Raal La Louviere iri ku mwanya wa Gatatu muri shampiyona aho irushwa amanota 9 n'ikipe ya mbere, ikaba izasubira mu kibuga ikina n'ikipe ya K.S.C. Lokeren-Temse ku Cyumweru.
Samuel Gueulette yegukanye igihembo cy'umukinnyi mwiza w'ukwezi kwa Mutarama 2025
Eng
RSS 
TANGA IGITECYEREZO