Wari uzi ko uburyo uryama bigaragaza imyitwarire yawe n’uwo uri we? Abantu benshi baryama mu buryo butandukanye, kandi buri buryo bwose bugira ibisobanuro bijyanye n’imyitwarire, imyemerere ndetse n’imibanire yabo n’abandi. Uburyo bwo kuryama bushobora kandi kugaragaza uko umuntu yitwara mu buzima bwa buri munsi.
Kugarama (Back Sleeping)
Abantu benshi bakunze kuryama bagaramye. Ibi bikunze kugaragaza umuntu ufite icyizere ndetse n’umutima ukeye. Abantu baryama bagaramye bakunze kuba bafite imitekerereze yoroshye kandi bakaba batinya cyane kugwa. Kuryama umuntu agaramye kandi bishobora kugaragaza ko umuntu afite ikinyabupfura, kandi ashobora kuba afite ubushobozi bwo gutegura neza ejo hazaza he.
Kuryamira urubavu, cyane cyane ku ruhande rw’ibumoso, ni uburyo bwihariye bwerekana abantu bafite umutima wita ku bandi banashyira imbere iby’abandi. Bakunze kandi kuba bafite imitekerereze yoroheje kandi bagira ubushake bwo gushyigikira abandi. Iki kinyabupfura kigaragaza ko bashobora kuba barangwa no kubahana, kandi batagira impungenge mu gihe cyo gufasha abandi.
Kuryama mu buryo bwa "Fetal Position", bikunze gukoreshwa n’abantu bagaragaza ko bakeneye gukingirwa cyangwa bafite impungenge. Abantu baryama muri ubu buryo bashobora kuba bafite umutima ukeneye abantu babitaho cyangwa bafite ubuzima bwuzuyemo imbogamizi. Hari ubwo bashobora kuba bafite akanyabugabo ariko bakagira ibibazo by’imbogamizi zo kwitwara neza mu bihe by’ihungabana.
Abantu baryama mu buryo bwa "Starfish Position", kenshi baba bafite umwuka w’ubwigenge. Iyi myitwarire ifite icyo isobanura ku bijyanye no kuba umuntu ari intangarugero mu muryango, ndetse rimwe na rimwe igaragaza ko umuntu afite ubushake bwo gutanga ubufasha, no kuba ari umuhanga.
Nubwo uburyo abantu baryama butandukanye, ni byiza kumenya
ko buri muntu ashobora kuryama mu buryo butandukanye bitewe n'ibihe arimo,
umutekano ndetse n'ibyiyumviro bye.
Uburyo umuntu aryama bushobora kandi kugira ingaruka ku buzima bw’umubiri w’umuntu nk'uko bigaragara mu bushakashatsi bwakozwe ku byerekeye imikorere y’imitsi, imikaya n’amarangamutima.
Uburyo umuntu aryama, rero, bushobora kuba ikimenyetso cy’imyitwarire, ibyo akunda, ndetse no kumenya imibanire y'umuntu n’abandi. Uretse kuba kuryama bisanzwe ari igikorwa cyo kuruhuka, bishobora kandi kudufasha kumenya byinshi ku byiyumviro, imitekerereze ndetse n’imyitwarire y’umuntu nk'uko bitangazwa na Urban Dictionary.
Umwanditsi: KUBWIMANA Solange
Eng
RSS 
TANGA IGITECYEREZO