Uwayoboraga Irak yatawe muri yombi! Ibyaranze iyi tariki mu mateka y’Isi

Tariki 13 Ukuboza ni umunsi wa 347 mu igize umwaka, hasigaye 18 uwa 2024 ukagera ku musozo.

Bimwe mu byaranze uyu munsi mu mateka:

1642: Abel Janszoon Tasman yageze muri Nouvelle-Zélande.

1941: Mu Ntambara ya Kabiri y’Isi yose, Hongrie na Romanie byatangaje ko bigiye kugaba ibitero kuri Leta Zunze Ubumwe za Amerika.

1943: Mu gihe cy’Intambara ya Kabiri y’Isi yose habaye ubwicanyi bwiswe Kalavryta bwakozwe n’Ingabo z’Abadage bubera mu gihugu cyazo.

1949: Uwitwa Knesset yafashe umwanzuro wo kwimurira Umurwa Mukuru wa Israel muri Yeruzalemu.

1960: Musenyeri Makarios yabaye Perezida wa Mbere wayoboye Cyprus.

1960: Haile Selassie wabaye Umwami w’Abami wa Ethiopia yakoreye uruzinduko rw’akazi muri Brazil, rwabaye intandaro y’ihirikwa ry’ubutegetsi bwe kuko umwe mu bari bashinzwe kurinda umutekano we yahise afata ubutegetsi yimika uwitwa Asfa Wossen wahise aba umwami w’abami.

1974: Malta yabaye Repubulika iri mu muryango w’ibihugu bikoresha Ururimi rw’Icyongereza uzwi nka Commonwealth.

1981: General Wojciech Jaruzelski yatangaje itegeko ryiswe ’martial law’ muri Pologne hagamijwe kurwanya imikorere ya gikominisiti yakoreshwaga muri icyo gihe.

1988: Yasser Arafat wabaye Perezida wa Palestine yatanze ikiganiro mbwirwaruhame mu Nama Rusange y’Umuryango w’Abibumbye yabereye mu Busuwisi mu Mujyi wa Genève nyuma yo kucyinjiramo mu nama yagombaga kubera i New York.

2001: Ingoro y’Inteko Ishinga Amategeko y’u Buhinde, Sansad, yagabweho ibitero by’ibyihebe, bihitana abantu 15.

2002: Haguwe Umuryango w’Ubumwe bw’Ibihugu by’u Burayi, nyuma yo gutangaza ko ibihugu bya Cyprus, Czech Republic, Estonia, Hongrie, Latvia, Lithuania, Malta, Pologne, Slovakia na Slovenia bizinjira muri uyu muryango tariki 4 Gicurasi 2004.

2003: Uwahoze ayobora Irak, Saddam Hussein yaterewe muri yombi hagati y’urugo rwe mu Mujyi wa Tikrit.

2004: Umunyagitugu wo muri Chili, Jenerali Augusto Pinochet yatawe muri yombi afatiwe mu rugo rwe.

2011: Mu Mujyi wa Liège mu Bubiligi, umwiyahuzi yiturikirijeho igisasu gihitana abantu batandatu, abandi 125 barakomereka.

2018: Gari ya moshi yari iri kugendera ku muvuduko wo hejuru yakoze impanuka igeze i Ankara mu Murwa Mukuru wa Turikiya abantu icyenda bahasiga ubuzima abandi 84 barakomereka.

Bamwe mu bavutse kuri uyu munsi:

1962: Rex Ryan, Umunyamerika utoza umukino w’umupira w’amaguru wa Rugby.

1962: Rob Ryan, Umunyamerika ukina Rugby.

1989: Katherine Schwarzenegger, umwanditsi wo muri Amerika.

1989: Taylor Swift, Umunyamerika wamenyekanye mu kuririmba, kwandika indirimbo no kuzitunganya ndetse no gukina filime.

Bamwe mu bitabye Imana uyu munsi:

1934: Thomas A. Watson, umwe mu bakoranye na Alexander Graham Bell wakoze telefone.

2010: Enrique Morente, Umuhanzi w’indirimbo ukomoka muri Espagne.

2018: Noah Kliejah, umunyamakuru ukomoka muri Israel wari wararokotse Jenoside yakorewe Abayahudi mu gihe cy’Intambara ya Kabiri y’Isi.