Perezida wa FIA yakeje ubuyobozi bw’u Rwanda

Ku mugoroba wo kuri uyu wa Kane tariki ya 12 Ukuboza 2025 muri Kigali Convention Center, Perezida Kagame yakiriye abitabiriye Inteko Rusange y'Ishyirahamwe ry'Umukino wo gusiganwa mu  modoka ku Isi  (FIA) ndetse n'itangwa ry'ibihembo mu bahize abandi muri uwo mukino.

Perezida kwa  FIA, Muhhammed Ben Sulayem yashimangiye ku bigaragara ko u Rwanda ruri mu nzira nziza yo kuba igihugu gikomeye ku Isi, ashimira Perezida  Kagame ku mbaraga yashyize mu bucuruzi, ikoranabuhanga ndetse no mu mikino.

Yagize ati "Ubuyobozi bwa Perezida Kagame bwagize uruhare rukomeye mu iterambere ry'ubukungu bw’u Rwanda no kugaragaza igihugu ku rwego rw'Isi ndetse byatumye ahazaza h’u Rwanda harushaho kuba heza''.

 Kuba mu mwaka washize u Rwanda rwaragaragaye muri World Rally Championship, ni kimwe mu bimenyetso by'uko u Rwanda ruri kugenda rufata umwanya ukomeye mu mikino mpuzamahanga.

Sulayem yavuze ko ibi ari intangiriro gusa kandi ko ubumwe n'ubufatanyabikorwa bw’u Rwanda mu mikino ya Rally buzagenda bukomera  ndetse ko FIA izakomeza gushyigikira u Rwanda mu rugendo rwo kwagura ibindi bikorwa by’iterambere.

Ibi kandi bigaragaza ko gahunda za Perezida Kagame zo uguteza imbere u Rwanda mu by’ikoranabuhanga, ibikorwaremezo ndetse no mu kurengera ibidukikije, bigiye kuruzamura mu bihugu bikomeye ku Isi. Ibi byose bihuza neza n’ibyifuzo bya FIA byo gufatanya n’u Rwanda mu gukomeza kurushaho gutera imbere ku rwego rw’Isi.

 U Rwanda rukomeje kuba urugero rwiza ku bihugu byinshi, aho rufite intego yo kuzamura ubukungu n'imikoranire mpuzamahanga. Nk’uko Sulayem yabivuze, "Hari byinshi bigiye kuza ku Rwanda," kandi ibyo bigakomeza kuzigama isura nziza mu buryo bw’ubushobozi no kwigarurira amasoko mpuzamahanga.

Perezida wa FIA yashimiye Perezida Kagame ubuyobozi bwiza

Umwanditsi: KUBWIMANA Solange