Uko ingendo z’Abanyeshuri bajya mu biruhuko ziteye.

Muri iyi gahunda  bigaragara ko abanyeshuri bazajya basubira mu miryango yabo mu gihe cy’ibiruhuko guhera tariki ya 19 kugeza tariki ya 22 Ukuboza 2024. Iyi gahunda irateganya ko abanyeshuri biga mu bigo by’amashuri biherereye mu Turere dutandukanye bazatangira gusubira mu miryango yabo hakurikijwe iminsi yatangajwe.

Gahunda y'Ingendo umunsi ku wundi:

Ku wa Kane, tariki ya 19 Ukuboza 2024, abanyeshuri bazataha baturutse mu Turere dukurikira:

Nyarugenge, Gasabo na Kicukiro mu Mujyi wa Kigali

Muhanga na Nyaruguru mu Ntara y’Amajyepfo

Ngororero mu Ntara y’I Burengerazuba

Musanze na Burera mu Ntara y’Amajyaruguru

Nyagatare na Gatsibo mu Ntara y’Iburasirazuba

Ku wa Gatanu, tariki ya 20 Ukuboza 2024, abanyeshuri bazataha baturutse mu Turere:

Ruhango na Gisagara mu Ntara y’Amajyepfo

Nyabihu na Rubavu mu Ntara y’Iburengerazuba

Rulindo na Gakenke mu Ntara y’Amajyaruguru

Rwamagana na Kayonza mu Ntara y’Iburasirazuba

Ku wa Gatandatu, tariki ya 21 Ukuboza 2024, abanyeshuri bazataha baturutse mu Turere:

Huye na Nyamagabe mu Ntara y’Amajyepfo

Karongi na Rutsiro mu Ntara y’Iburengerazuba

Gicumbi mu Ntara y’Amajyaruguru

Ngoma na Kirehe mu Ntara y’Iburasirazuba

Ku Cyumweru, tariki ya 22 Ukuboza 2024, abanyeshuri bazataha baturutse mu Turere:

Nyanza na Kamonyi mu Ntara y’Amajyepfo

Rusizi na Nyamasheke mu Ntara y’Iburengerazuba

Bugesera mu Ntara y’Iburasirazuba

 Amashuri arasabwa kubahiriza ingengabihe y’ingendo  kandi ibigo birasabwa kohereza abana hakiri kare kugira ngo bagere mu miryango yabo hakiri kare  kandi bambaye imyambaro y’ishuri.

Ababyeyi basabwa gutegura amafaranga y’urugendo azafasha abana babo kugera mu rugo.

Abashinzwe uburezi mu Turere no mu Mirenge barasabwa gukurikirana ingendo z’abanyeshuri bakamenya ko  bose basubiye mu miryango yabo ku gihe.

Aho abanyeshuri bazahagurukira

Abanyeshuri bahagurukira mu Mujyi wa Kigali cyangwa abarenza Kigali berekeza mu zindi Ntara, bazafatira imodoka kuri Stade ya Kigali Pele Stadium (Nyamirambo), aho bazahabwa imodoka zibajyana mu miryango yabo. Sitade izaba ifunze nyuma ya saa cyenda z’amanywa (15h00), bityo abanyeshuri bagomba kuba bamaze gufata imodoka mbere y’icyo gihe.

Iyi gahunda ifite intego yo korohereza abanyeshuri gusubira mu miryango yabo kandi bakagera mu rugo ku gihe.

TUYIHIMITIMA Irene