Mukura VS yateye mpaga Rayon Sports mu mukino wo ku munsi wa Gatatu wa shampiyona y'abatarengeje imyaka 17 nyuma y'uko ibuze ku kibuga.
Kuri uyu wa Gatandatu saa Sita n'iminota 30 ni bwo Mukura VS yagombaga kwakira Rayon Sports kuri Stade mpuzamahanga ya Huye mu mikino ya shampiyona y'abatarengeje imyaka 17.
Mukura VS yageze ku kibuga irishyushya ariko amasaha y'umukino ageze abakinnyi b'ikipe ya Rayon Sports bagombaga gukina nabo barabura bituma abasifuzi bafata umwanzuro wo kuyitera mpaga y'ibitego 3-0.
Ibi bibaye nyuma yuko Rayon Sports itagize intangiriro nziza z'iyi shampiyona y'abato aho ku munsi wa mbere yanyagiwe na APR FC ibitego 9-1 naho ku munsi wa kabiri igatsindwa na Gorilla FC ibitego 5-0.
Ni mu gihe ikipe ya Mukura VS yateye mpaga yo yatangiye itsindwa na Gorilla FC ibitego 3-2 ariko umukino uheruka wo ikaba yaratsinze Love for Hope igitego 1-0.
Ishyirahamwe ry'umupira w'amaguru mu Rwanda, FERWAFA, ryatangije shampiyona y'abatarengeje imyaka 17 muri uku kwezi mu rwego rwo guteza imbere umupira haherewe mu bato.
Mukura VS yateye mpaga ikipe ya Rayon Sports
Eng
RSS 
TANGA IGITECYEREZO