Umuramyi Yves Rwagasore utuye mu gihugu cya Canada, yateguye igitaramo yise "Glorious Hymns" yatumiyemo itsinda rikunzwe cyane rya Jasper Worship Team rikorera umurimo w'Imana mu Itorero rya Evangelical Hermon Church ryo muri Canada.
Ni igitaramo yise "Glorious Hymns" kizaba ku Cyumweru tariki 14/12/2024. Kizabera ahitwa muri Ottawa guhera saa kumi n'imwe za nimugoroba imiryango izaba ikinguye. Amatike yo kwitabira iki gitaramo ari kugurishwa aho ahasanzwe (Regular) ari 30$, muri VIP akaba ari 50$ mu gihe itike igenewe abaterankunga ari 100$.
Yves Rwagasore yavuze ko intego y'iki gitaramo cye ari ukuramya Imana no kuyihimbaza ku bwa byinshi byiza yakoze. Avuga ko azanamurikira abakunzi be album ya kabiri. Yagize ati "Ni umwanya wo guha Imana icyubahiro twibuka imbabazi ndetse n’ubuntu twagiriwe, mbese muri iki gitaramo tuzanishimira album ya kabiri yanjye yiswe 'Imbabazi' ".
Muri iki gitaramo "Glorious Hymns", uyu musore wo guhangwa amaso azaba ari kumwe n'abandi baramyi nka Christian, Meloe, Olave, Grace, Lauretta, Soleil, Skyla, abayumbe-Ottawa na Jasper Worship Team asanzwe abarizwamo. Yavuze ko nyuma y'iki gitaramo ateganya kuzakora 'Live Recording' itegura imurikwa rya Album ye ya 3.
Yves Rwagasore uri mu bahanzi bari gukora cyane by'umwihariko abari muri Diaspora nyarwanda, azwi mu ndirimbo nka "Njyewe na Yesu", "Wowe Ntujya uhemuka", "Abiringiye Uwiteka", "Thank you God" n'izindi zitandukanye. Nyuma yo kugera muri Canada, ntabwo yamanitse inanga, ahubwo yakomeje gukora mu nganzo ahumuriza ubwoko bw'Imana.
Yves Rwagasore agiye gutaramira abakunzi be babarizwa muri Canada
Jasper Worship Team ikunzwe muri Canada izaririmba mu gitaramo cya Yves
Yves Rwagasore yeteguye igitaramo cyo gusingiza Imana no kuyishimira ibyiza yakoze
Eng
RSS 
TANGA IGITECYEREZO