Kenny K-Shot yatanze umusogongero wa Album, anamurika abahanzi yakiriye muri Label- AMAFOTO

Uyu musore yamuritse abahanzi be mu gitaramo “Keep It 100 Experience” cyatumiwemo abaraperi basaga 11 cyari kiyobowe na Anita Pendo afatanyije na Kate Gustave cyatangiye ku isaha ya saa mbiri z’ijoro, cyateguwe n’uruganda rwa SKOL Rwanda yamuritse isura nshya y’ikinyobwa Skol Malt. Cyabaye mu ijoro ryo kuri uyu wa Gatandatu tariki 16 Ugushyingo 2024.

Aba baraperi barimo Riderman, Bulldogg ,Fireman, BThrey, Bushali , Zoe Trap , Nessa na Beat Killa, Boy Chopper, Papa Cyangwe, Slum Drip.

Kenny K –Shot yazamutse ku rubyiniro akurikiye abahanzi barimo Slum Drip na Boy Chopper, yabanje kubaza abari mu gitaramo niba barumvise album ze zirimo Intare I na Intare II. Ati "Intare II mwarayumvise?' Abari muri iki gitaramo bati 'Yego".

Iki nicyo gitaramo cya mbere Kenny K –Shot aririmbyemo nyuma yo gushyira ku isoko Album 'Intare II'. Aherutse kubwira InyaRwanda ko yakoze iyi Album mu rwego rwo kurangiza indirimbo yari amaze igihe ategura.

Muri iki gitaramo yanaboneyeho umwanya wo kumurika abahanzi Xeventeen na mugenzi we Lov3rboy yahurije muri Label aherutse kumurika mu rwego rwo kubaha ikaze, yabazamuye ku rubyiniro ubundi baririmbana indirimbo bakoranye.

Ati "Ndabashimira aba basore nibo turi gukorana muri Label yanjye 'Sound Wave Initiative'. Nibo b'ejo hazaza."

Muri iki gitaramo yari yambaye umwambaro ugaragaza urutonde rw'indirimbo zigize Album ye, ndetse hariho n'ifoto iranga Album ye ya mbere yise 'Intare I'.

Ubwo yaririmbaga indirimbo 'Intare I' yatunguwe n'uburyo ibihumbi by'abantu bayizi cyane, kuva ku ijambo rya mbere yaririmbye kugeza asoje.

Ati 'Mu rwego rwo kwizihiza Album yanjye ya mbere reka twongere turirimbane indirimbo Intare I' yasoreje ku ndirimbo 'Ibitambo' yakoranye na Logan Joe na Ish Kevin.

Uyu muraperi avuga ko aza mu muziki yashakaga kubaho ubuzima butera abandi imbaraga kandi ibyo akora akaba abikunda. Ikirenze kuri ibyo, umusaruro w'imvune ze ukavamo amafaranga akomeza kumutunga umunsi ku munsi. 

Kenny K-Shot yavuze ko atangira guhimba ibihangano binyuranye ntiyari akeneye uruhushya rw'abo mu muryango we, kuko yabikoze mu rwego rwo kwihangira imirimo kugira ngo atazasaba abandi akazi.

Abakunzi b'umuziki wa Hip Hop bagaragaje impano zabo mu kurapa mbere y'uko abaraperi babakira ku rubyiniro

MC Anita Pendo ni uku yaserutse yambaye muri iki gitaramo cyabereye muri Kigali Universe

Abakunzi b'umuziki wa Kenny K-Shot bari bizihiwe bikomeye muri iki gitaramo cya Hip Hop 

MC Bior wavanze umuziki muri iki gitaramo 'The Keep it 100 Experience' cya Skol 

Umuyobozi w'Uruganda rwa Sko ku Isi? Thibault Relecom, ari kumwe na Coach Gael washinze Kigali Universe 

Umunyarwenya akaba n'umunyamakuru Rusine Patrick ari kumwe n'umugore we muri Kigali Universe

Umuraperi Kenny K-Shot ari kumwe n'itsinda rye aherutse kwinjiza muri Label ye 

Umuraperi Kenny K-Shot yaririmbye muri iki gitaramo anamurika Album ye nshya yise 'Intare II'

Iki gitaramo cya Hip Hop cyatewe inkunga n'uruganda rwa Skol

Kanda hano urebe amafoto menshi yaranze ibirori by'igitaramo 'The Keep it 100

AMAFOTO: Serge Ngabo- InyaRwanda.com