Ikipe y'igihugu y'u Rwanda, Amavubi, yashyize hanze urutonde rw'abakinnyi b'agateganyo bazitabira umwiherero utegura umukino wa Benin mu gushaka itike y'igikombe cy'Afurika cya 2025.
Ku gicamunsi cyo kuri uyu wa Gatanu tariki 27 Nzeri 2024 ni bwo Umutoza w’Ikipe y’Igihugu, Frank Spittler, yashyize ahagaragara urutonde rw’abo yifuza kuzakinisha muri iyi mikino binyuze mu kiganiro yagiranye n'itangazamakuru.
Mu bakinnyi bahamagawe barimo abatagaragaye bari bahamagawe ku mukino wa Nigeria uheruka barimo umunyezamu Maxime Wenssens udafite ikipe, Niyonzima Olivier Seif ndetse n'abandi.
Muri aba bakinnyi harimo n'amazina mashya nka Buhake Clement Ullensaker/Kisa IL yo mu cyiciro cya kabiri cya Norway, Phanuel Kavita ukinira Birmingham Legion FC, Kury Johan Marvin usanzwe akinira Yverdon Sport FC yo mu Busuwisi.
Hagarutsemo kandi abakinnyi batari baherutse guhamagarwa nka Ishimwe Anicet uheruka kubona ikipe muri Tunisia ndetse na Biramahire Abeddy.
Abanyezamu bahamagawe ni Buhake Clement Twizere, Ntwari Fiacre, Hakizimana Adolphe, Muhawenayo Gad na Niyongira Patience.
Ba myugariro ni Omborenga Fitina, Byiringiro Jean Gilbert, Niyomugabo Claude, Imanishimwe Emmanuel, Ishimwe Christian, Mutsinzi Ange, Manzi Thierry, Niyigena Clément, Nsabimana Aimable, Nshimiyimana Yunusu na Hirwa Jean.
Abakina mu kibuga hagati ni Bizimana Djihad, Ruboneka Jean Bosco, Iradukunda Siméon, Mugisha Bonheur, Nkundimana Fabio, Rubanguka Steve, Ngabonziza Pacifique na Muhire Kevin.
Abasatira ni Kwizera Jojea, Niyibizi Ramadhan, Dushimimana Olivier, Mugisha Gilbert, Iraguha Hadji, Guelette Samuel, Hamiss Hakim, Nshuti Innocent, Gitego Arthur, Mugisha Didier na Mbonyumwami Taiba, Ishimwe Anicet, Kury Johan Marvin, Salim Abdallah, Biramahire Abeddy na Kabanda Serge.
Ikipe y'igihugu y'u Rwanda, Amavubi, izakina na Benin mu mukino ubanza wo ku munsi wa gatatu taliki ya 10 Ukwakira naho uwo kwishyura ukinwe taliki ya 15 Ukwakira muri Stade Amahoro.
Eng
RSS 
TANGA IGITECYEREZO