Amerika yahaye Ibihugu by'Africa inkingo z'Ubushita bw'Inkende

Kuwa Kabiri w'iki cyumweru, Perezida wa Leta Zunze Ubumwe z'Amerika, Joe Biden yabitangarije mu nama rusange y’Umuryango w’Abibumbye i New York, anahamagarira ibindi bihugu gukora gutyo. ati: "Ubu tugomba kwihutira guhangana n’ubushita bw’inkende.''

Mu kwezi kwa 8, ishami ry'Umuryango w'Abibumbye ryita ku buzima, OMS, ryatangaje ko Ubushita bw’inkende ari ikibazo cyugarije abaturage kw’isi. Ni ku nshuro ya kabiri mu myaka ibiri, nyuma y’icyorezo cy’iyo ndwara cyakwirakwiriye muri Repubulika ya Demokarasi ya Congo no mu bihugu byibituranyi ndetse no hanze yayo, nko mu Buhinde, bikabyutsa impungenge.

Umwe mu bayobozi bo muri Leta zunze ubumwe z’Amerika, yagize ati: "Ntabwo byaba ari igitangaza bibaye muri Leta zunze ubumwe z’Amerika."

Nk’uko ibiro ntaramakuru Reuters bibitangaza, ibivugwa mu ruhame, n’inyandiko n'ibigereranyo byatanzwe n'imiryango itegamiye kuri Leta, ibihugu bikize bifite miliyoni magana z'inkingo zishobora gufasha kurwanya icyorezo cy’ubushita bw’inkende muri Afurika, aho izatanzwe ziri munsi cyane y’izikenewe.

Uwo muyobozi yavuze ko kuri ubu nta ruganda ruri muri Afurika, rushobora gukora imiti ikenewe yakwifashishwa mu gukora urwo rukingo.

Impuguke mu mategeko agenga ubuzima ku isi, muri kaminuza ya Georgetown, Lawrence Gostin, yagize ati: "Ikigaragara cyane ni uko Biden ashyigikiye ku mugaragararo ko ibihugu bifite umutungo uciriritse byagira ubushobozi bwo kwikorera inkingo ubwabyo. Akavuga ko, “ibyo bizasaba Biden guhatira ibigo bikora imiti, gutanga tekinoloji.”