FPR
RFL
Kigali

Copa Amerika: Argentine yageze ku mukino wa nyuma isezereye Canada

Yanditswe na: ISHIMWE Walter
Taliki:10/07/2024 8:31
0


Ikipe y'igihugu Argentine yabimburiye andi kugera ku mukino wa nyuma muri Copa Amerika nyuma yo gutsinda ikipe y'igihugu ya Canada ibitego bibiri ku busa.



Mu gitondo cyo kuri uyu wa Gatatu mu masaha yo mu Rwanda byari kuwa Kabiri muri Leta Zunze Ubumwe za Amerika kuri Met Life Stadium, New Jersey. Ikipe y'igihugu ya Argentine yatsinze ikipe y'igihugu ya Canada ibitego bibiri ku busa ihita igera ku mukino wa nyuma umukino wa wasifuwe na Piero Maza ukomoka muri Chile.

Muri uyu mukino ikipe y'igihugu Argentine itozwa na Lional Scaroni yongeye kugaragaza ubuhanga budasanzwe mu kibuga bari gukina n'ikipe ya Canada. Ku munota 22, Julian Alvalez yatsinze igitego cya mbere cya Argentine ku mupira yahawe na Rodrigo de Paul.

Ikipe y'igihugu ya Canada yagerageje gukina neza ngo irebe ko yakwishyura igitego cya Julian Alvalez biguma kwanga, abakinnyi ba Argentine bihagararaho, igice cya mbere cyarangiye ari igitego kimwe cya Argentine ku busa bw'ikipe y'igihugu ya Canada.

Igice cya mbere kikimara kurangira abakinnyi b'ikipe y'igihugu ya Canada bagiye kuruhuka bakubita agatoki ku kandi, biyemeza ko baza gutsinda ikipe y'igihugu Argentine mu gice cya kabiri ndetse bakayisezerera bakagera ku mukino wa nyuma.

Ibyo Abanya Canada bibwiraga si ko byagenze mu gice cya kabiri kuko ku munota mirongo itanu na rimwe kapiteni wa Argentine Lionel Mesi yatsinze igitego cya kabiri, nyuma y'umupira yahawe n'umwana muto cyane ukinira Chelsea Enzo Frenandes. 

Igitego cya kabiri Lionel Messi yatsinze ku munota wa mirongo itanu na rimwe, ni na cyo cyasoje umukino kubera ko umukino warangiye ari ibitego bibiri bya Argentine ku busa bwa Canada. 

Ikipe y'igihugu Argentine igeze ku mukino wa nyuma ishaka kwisubiza igikombe kuko icyo muri 2021 nyuma yo gutsinda ikipe y'igihugu Brezil ku mukino wa nyuma.

Argentine yamaze kugera ku mukino wa nyuma wa Copa Amerika, itegereje ikipe izarokoka hagati y'ikipe y'igihugu ya Colombia n'ikipe y'igihugu Uruguay, ubundi bikazacakirana ku mukino wa nyuma wa Copa Amerika. 


Argentina yageze ku mukino wa nyuma wa Copa Amerika 


Lionel Messi yafashije Argentina kugera ku mukino wa nyuma 


Ibyishimo ni byose mu ikipe y'igihugu ya Argentina 







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND