RFL
Kigali

Agezweho: Man United na Tottenham kuri Jonathan David, Wolves irashaka Max Kilman

Yanditswe na: ISHIMWE Walter
Taliki:22/06/2024 12:27
0


Kugeza ubu imikino ya Euro iri kubera mu Budage na Copa America, zatumye isoko ry'igura n'igurisha ridashyuha cyene, kubera abakinnyi bari gufasha ibihugu byabo, gusa amakipe atandukanye agenda agaragaza amazina y'abakinnyi yifuza.



Amakuru agezweho mu mikino ku mugabane w'iburayi, by'umwihariko avugwa ku isoko ry'igura n'igurisha tuyahereye mu Kinyamakuru Sky Sports cyatangaje ko Manchester United na Tottenham Hotspur zifuza umunya Canada ukinira ikipe ya Lille mu Bufaransa, Jonathan David.

The Guardian yatangaje ko Wolves ishaka myugariro wa West Ham United, Max Kilman, uyu mukinnyi akaba ari myugariro w'imyaka 27 y'amavuko, ukomoka mu Bwongereza.

Dail Mail yanditse ko Juventus ikomeje gushyira imbaraga mu gushakisha umunya Brazil Douglas Luiz wa Aston Villa, gusa uyu mukinnyi abaka ari no mu mipango ya Mikel Arteta utoza Arsenal.

Sky Sports mu Bwongereza, yatangaje ko Manchester United ishaka gushyira imbaraga mu gusinyisha ba myugariro babiri, abo ni Umufaransa Leny Yoro wa Lille na Jarrad Branthwaite wa Everton.

Tuttomercato mu Butaliyani yavuze ko Lazio ibarizwa mu mujyi wa Roma mu Butaliyani, ishaka umuzamu ukomoka mu bugereki Chiristos Mandas w'imyaka 22 y'amavuko, na rutahizamu wa Manchester United Mason Greenwood yatije muri Getafe.

The Sun yatangaje ko Southampton ishaka Umunya Jamaica w'imyaka 31 y'amavuko ukinira Fulham, Bobby DeCordova-Reid

Fabrizio Romano yavuze ko Chelsea na Bayern Munich zishaka umwana w'imyaka 18 y'amavuko ukinira FC Barcelona, Marc Guiu. Uyu mukinyi w'imyaka 18 y'amavuko, kugeza ubu afite agaciro ka miliyoni 8£.

Bein Sports yo muri Turkey, yatangaje ko myugariro wa Manchester United Aaron Wan-Bissaka, ashobora kuzatandukana nayo muri iyi mpeshyi, akerekeza muri Galatasaray yo muri Turkey.

Cough Officer yatangaje ko AS Roma ishaka kuganira na Manchester City, uburyo yakwegukana myugariro wa Manchester City ukomoka muri Esipanye, Sergio Gomez.

L'Equipe mu Bufaransa, yatangaje ko Everton yifuza Umunya Senegal w'imyaka 24 y'amavuko ukinira Olympic Marseille, Illian Ndiaye.


Manchester United na Tottenham Hotspur zirifuza Jonathan David, Umunya Canada ukinira ikipe ya Lille mu Bufaransa 


Wolves Irifuza Max Kilman wa West Ham United 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND