RFL
Kigali

Bugesera FC yatandukanye n'abakinnyi 5

Yanditswe na: Aloys Niyonyungu
Taliki:20/06/2024 20:38
0


Ikipe ya Bugesera FC ikina shampiyona y'icyiciro cya mbere mu Rwanda, yatandukanye n'abakinnyi 5 barimo abari basoje amasezerano.



Iyi kipe niyo yabitangaje kuri uyu Wa Kane taliki ya 20 Kamena 2024  ibinyujije ku mbugankoranyambaga zayo.

Abo bakinnyi ni rutahizamu Ani Elijah ukomoka muri Nigeria wamaze gusinyira Police FC nk'umukinnyi wayo atanzweho Miliyoni 40 z'amafaranga y'u Rwanda. 

Yari yarageze muri iyi kipe y'Akarere ka Bugesera mu mwaka ushize w'imikino asinya amasezerano y'imyaka 2, gusa agiye nyuma y'umwaka umwe, amaze kwitwara neza agatsinda ibitego 15 muri shampiyona.

Vincent Adams ukomoka mu gihugu cya Ghana ukina mu kibuga hagati ni undi mukinnyi watandukanye na Bugesera FC, akaba yari yarayigezemo muri 2022 avuye muri Mukura VS

Bugesera FC kandi yatandukanye na Dushimimana Olivier nawe wasoje amasezerano, gusa kuri ubu akaba yaramaze kwerekeza muri APR FC. Abandi batandukanye n'iyi kipe ni Stephen Bonney na Cyubahiro Idarusi bari barayigezemo mu mwaka ushize.

Bugesera FC itandukanye n'aba bakinnyi nyuma yuko mu mwaka ushize w'imikino yitwaye neza mu gikombe cy'Amahoro ikagera ku mwanya wa nyuma gatsindwa na Police FC, gusa muri shampiyona ho ntabwo byagenze neza kuko yarokotse kumanuka ku munsi wa nyuma.












TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND