Boston Celtics irabura gato ngo yegukane igikombe cya NBA

Mu mukino wa none, Boston Celtics yatsinze amanota 106 kuri 99 ya Dallas Mavericks, ihita yuzuza intsinzi ya Gatatu ku busa bwa Dallas Mavericks.

Bisobanuye ko Boston Celtics isabwa gutsinda umukino umwe gusa, kugira ngo yegukane burundu NBA ya 2024. Boston Celtics nitsinda umukino umwe, izahita yuzuza intsinzi enye mbere ihite yegukana igikombe, kubera ko umukino itatu yaba isigaye nubwo yakinwa ntacyo yaba imaze imbere ya Dallas Mavericks.

Gutsinda uyu mukino, Boston Celtics yabikoze mu gace ka Gatatu, ari nako gusa yatsinze kuko yagatsinze n'amanota 35 kuri 19 ya Dallas Mavericks.

Agace ka kabiri, amakipe yombi yahatanye, birangira anganyije amanota 20.

Dallas Mavericks nubwo yatsinzwe umukino, yatsinze agace ka mbere naka Kane. Agace ka mbere Dallas Mavericks yatsinze amanota 31 kuri 30 ya Boston Celtics, naho aka Kane itsinda 29 kuri 21 ya Boston Celtics.Umukino muri rusange, warangiye ari amanota 106 ya Boston Celtics kuri 99 ya Dallas Mavericks.

Irving wa Dallas Mavericks niwe wabaye umukinnyi w'umukino nyuma yo gutsinda amanota 35, rebound 3 n'imipira itatu yabyaye andi manota.

Umukino wa kabiri wahuje aya makipe wabaye ku itariki 10 Kamena 2024, aho warangiye Boston Celtics itsinze amanota 105 kuri 98 ya Dallas Mavericks.

Umukino wa mbere wabaye ku itariki 7 Kamena 2024, nabwo Boston Celtics yatsinze Dallas Mavericks amanota 107 kuri 98.

Kugira ngo Dallas Mavericks yegukane iki gikombe, birayisaba gutsinda imikino itatu, maze amakipe yombi akanganya intsinzi eshatu, bikaba ngombwa ko hongerwaho umukino wa karindwi wa Kamarampaka, nabwo bigasaba ko Dallas Mavericks iwutsinda. Siko bimeze kuri Boston Celtics, kubera ko yo isabwa gutsinda umukino umwe kugira ngo yegukane igikombe. 

Boston Celtics yatsinze umukino wa gatatu muri NBA Final, ishyimangira ko ishaka kwegukana NBA ya 2024 

Boston Celtics imaze gutsinda imikino itatu ku busa bwa Dallas Mavericks