Euro 2024: Twinjirane mu itsinda C ririmo ikipe y'igihugu ihabwa amahirwe menshi yo kwegukana igikombe

Hasigaye iminsi 5 gusa ubundi mu gihugu cy'u Budage hakabera irushanwa rihuza amakipe y'ibihugu yo ku mugabane w'Iburayi rizwi nka Euro, benshi batanatinya kuvuga ko ari ryo rikurikiranwa cyane nyuma y'igikombe cy'Isi.

Muri iri rushanwa riba rimwe mu myaka 4, iryo muri uyu mwaka wa 2024 ririmo amatsinda 6 nk'uko bisanzwe kuva muri 2016 amakipe yakongerwa akagirwa 24.

Kuri uyu munsi tugiye kwinjirana mu itsinda C nk'uko kuri InyaRwanda.com tumaze kubagezaho amatsinda 2 abanza muri gahunda yo kugira ngo tujyane muri iri rushanwa neza tuzabagezaho amakuru yaryo kuva ritangiye kugeza risojwe.

Muri iri tsinda C harimo ikipe y'igihugu y'u Bwongereza, Denmark, Slovenia na Serbia.

Ikipe y'igihugu y'u Bwongereza igiye gukina irushanwa rya Euro ku nshuro ya 11, kure yageze akaba ari ku mukino wa nyuma.

Uyu mukino wa nyuma yawugezeho muri 2020 gusa birangira itsinzwe n'u Butaliyani kuri penariti 3-1 imbere y'abafana bayo dore ko umukino wari wabereye kuri Wembley Stadium. 

Muri 2016 yari yagarukiye muri 1/8 isezerewe na Iceland mu gihe muri 2012 yasezerewe na Ukraine muri 1/4.

Abakinnyi bayo bayikiniye imikino myinshi muri Euro kugeza ubu ni Harry Kane na Gary Neville bafite imikino 12 ndetse na Raheem Sterling na Wayne Rooney bafite imikino 10.

Mu bamaze kuyitsindira ibitego byinshi muri iri rushanwa ni Alan Shearer ufite 7, Wayne Rooney ufite 6 ndetse na Harry Kane ufite 4.

Kuri ubu ikipe y'igihugu y"u Bwongereza iri mu makipe ahabwa amahirwe yo kwegukana iki gikombe bijyanye n'abakinnyi bakomeye ifite ndetse ikaba yari yanageze ku mukino wa nyuma ubuheruka.

Abakinnyi 26 umutoza wayo Gareth Southgate yahamagaye ni aba bakurikira:

Abanyezamu: Jordan Pickford (Everton), Dean Henderson (Crystal Palace) na Aaron Ramsdale (Arsenal).

Ba myugariro: Lewis Dunk (Brighton), Joe Gomez (Liverpool), Marc Guehi (Crystal Palace), Ezri Konsa (Aston Villa), Luke Shaw (Man Utd), John Stones (Manchester City), Kieran Trippier (Newcastle) na Kyle Walker (Manchester City).

Abakina mu kibuga hagati: Trent Alexander-Arnold (Liverpool), Conor Gallagher (Chelsea), Kobbie Mainoo (Manchester United), Declan Rice (Arsenal) na Adam Wharton (Crystal Palace).

Abasatira izamu: Jude Bellingham (Real Madrid), Jarrod Bowen (West Ham), Eberechi Eze (Crystal Palace), Phil Foden (Manchester City), Anthony Gordon (Newcastle), Harry Kane (Bayern Munich), Cole Palmer (Chelsea), Bukayo Saka (Arsenal), Ivan Toney (Brentford) na Ollie Watkins (Aston Villa).

Ikipe y'igihugu ya Slovenia igiye gukina iri rushanwa ku nshuro ya 2 ikaba yaherukaga kurikina muri 2000. Icyo gihe yabaye iya kabiri mu itsinda yarimo gusa birangira itsinzwe na Ukraine mu mikino ya kamarampaka.

Bivuze ko iyi kipe ari imwe mu makipe ashobora kutazatanga akazi gakomeye. Abakinnyi 26 Matjaž Kek uyitoza yahamagaye ni:

Abanyezamu: Jan Oblak (Atletico Madrid), Vid Belec (APOEL) na Igor Vekic (Vejle).

Ba myugariro: Petar Stojanovic (Sampdoria), Jaka Bijol (Udinese), Miha Blazic (Lech Poznan), Jure Balkovec (Alanyaspor), Zan Karnicnik (Celje), David Brekalo (Orlando City), Erik Janza (Gornik Zabrze) na Vanja Drkusic (Sochi).

Abakina mu kibuga hagati: Timi Max Elsnik (Olimpija Ljubljana), Jasmin Kurtic (Sudtirol), Benjamin Verbic (Panathinaikos), Sandi Lovric (Udinese), Adam Gnezda Cerin (Panathinaikos), Jon Gorenc Stankovic (Sturm Graz), Tomi Horvat (Sturm Graz), Adrian Zeljkovic (Spartak Trnava) na Nino Zugelj (Bodo/Glimt).

Abasatira izamu: Josip Ilicic (Maribor), Andraz Sporar (Panathinaikos), Benjamin Sesko (RB Leipzig), Zan Celar (Lugano), Jan Mlakar (Pisa), Zan Vipotnik (Bordeaux).

Ikipe y'igihugu ya Denmark yo ni ubwa 10 igiye gukina irushanwa rya Euro ndetse ikaba yaranaritwaye mu 1992 itsinze u Budage ibitego 2-0 ku mukino wa nyuma. Icyo gihe Euro yari yabereye muri Sweden.

Ubuheruka Denmark yari yageze muri 1/2 gusa birangira isezerewe n'u Bwongereza buyitsinze ibitego 2-1. Mu bakinnyi bayitsindiye ibitego byinshi muri iri rushanwa nta n'umwe urarenza 3. Mu bagikina bafite byinshi ni Kasper Dolberg wanahamagawe na Mikkel Damsgaard ufite 2.

Abakinnyi 26 Umutoza wayo Kasper Hjulmand yahamagaye: 

Abanyezamu: Kasper Schmeichel (Anderlecht), Frederik Ronnow (Union Berlin) na Mads Hermansen (Leicester City).

Ba myugariro: Andreas Christensen (Barcelona), Simon Kjaer (AC Milan), Joachim Andersen (Crystal Palace), Jannik Vestergaard (Leicester City), Victor Nelsson (Galatasaray), Alexander Bah (Benfica), Joakim Maehle (Wolfsburg), Rasmus Kristensen (Roma) na Victor Kristiansen (Bologna).

Abakina mu kibuga hagati: Christian Eriksen (Manchester United), Thomas Delaney (Anderlecht), Morten Hjulmand (Sporting Lisbon), Pierre-Emile Hojbjerg (Tottenham), Christian Norgaard (Brentford), Mathias Jensen (Brentford), Mikkel Damsgaard (Brentford).

Abasatira izamu: Jacob Bruun Larsen (Burnley), Andreas Skov Olsen (Club Brugge), Anders Dreyer (Anderlecht), Kasper Dolberg (Anderlecht), Rasmus Hojlund (Manchester United), Jonas Wind (Wolfsburg) na Yussuf Poulsen (RB Leipzig).

Ikipe y'igihugu yo ya Serbia ni inshuro ya 6 igiye gukina Euro, gusa yabiherukaga muri 2000. Imyanya myiza yagize, mu 1960 yageze ku mukino wa nyuma gusa birangira itsinzwe na Leta Zunze Ubumwe z'Abasoviyete ibitego 2-1, no mu 1968 biba ariko bigenda igera ku mukino wa nyuma gusa nabwo birangira itsinzwe n'u Budage ibitego 2-0.

Abakinnyi 26 umutoza wa Serbia, Dragan Stojković yahamagaye azifashisha.

Abanyezamu: Vanja Milinkovic-Savic (Torino), Djordje Petrovic (Chelsea) na Predrag Rajkovic (Mallorca).

Ba myugariro: Strahinja Pavlovic (Red Bull Salzburg), Nikola Milenkovic (Fiorentina), Srdan Babic (Spartak Moscow), Milos Veljkovic (Werder Bremen), Uros Spajic (Red Star Belgrade) na Nemanja Stojic (TSC Backa Topola).

Abakina mu kibuga hagati: Sasa Lukic (Fulham), Nemanja Gudelj (Sevilla), Nemanja Maksimovic (Getafe), Ivan Ilic (Torino), Srdan Mijailovic (Red Star Belgrade), Sergej Milenkovic-Savic (Al Hilal), Dusan Tadic (Fenerbahce), Lazar Samardzic (Udinese), Vejko Birmancevic (Sparta Prague), Filip Kostic (Juventus), Andrija Zivkovic (PAOK), Filip Mladenovic (Panathinaikos) na Mijat Gacinovic (AEK Athens).

Abasatira izamu: Aleksandar Mitrovic (Al Hilal), Dusan Vlahovic (Juventus), Luka Jovic (AC Milan) na Petar Ratkov (Red Bull Salzburg).

Biteganyijwe ko umukino wa mbere wo muri iri tsinda C uzaba taliki ya 16 z'uku kwezi uhuza ikipe y'igihugu ya Slovenia na Denmark. Umukino uzakinwa nyuma muri iri tsinda uzakinwa taliki ya 25 Kamena saa tatu z'ijoro Denmark ikina na Serbia.

Ikipe izava muri iri tsinda iyoboye izahura n'izava hagati y'amakipe azaba yabaye aya 3 mu itsinda D, E na F. Izaba yabaye iya 2 yo izahura n'izaba yabaye iya mbere mu itsinda A.