Real Madrid yegukanye igikombe cya UEFA Champions League ikomeza kwandika amateka

Uko umukino wagenze umunota ku munota:

Umukino urangiye Real Madrid itsinze ibitego 2-0 ihita yegukana igikombe cya Champions League cya 15 .

90+2' Real Madrid yari ibonye uburyo bwashoboraga kuvamo igitego cya 3 ku mupira wari uzamuwe na Vinicius Junior ashaka Joselu gusa birangira ba myugariro ba Borussia Dortmund bakuyeho umupira.

Umukino wongeweho iminota 5

86' Real Madrid ikoze impinduka mu kibuga havamo Toni Kroos wakinaga umukino we wa nyuma muri iyi kipe na Jude Bellingham hajyamo Joselu na Luka Modric 

82' Real Madrid ibonye igitego cya 2 gitsinzwe na Vinicius Junior ku mupira yahawe na Jude Bellingham 

79' Real Madrid ibonye kufura nziza ku ikosa Camavinga akorewe na Mats Hummels uhise anahabwa ikarita y'umuhondo, gusa itewe na Toni Kroos umunyezamu ayikuramo 

77' Nyuma yo kubona igitego cya 1 ikipe ya Real Madrid ikomeje kwatsa umuriro imbere y'izamu, Vinicius Junior ahaye umupira Jude Bellingham nawe arekura ishoti, gusa ba myugariro barishyira muri koroneri 

73' Real Madrid ifunguye amazamu ku gitego cya Dani Carvajal atsindishije umutwe kuri koroneri yatewe na Toni Kroos

71' Edin Terzic utoza Borussia Dortmund akoze impinduka mu kibuga akuramo Karim Adeyemi hajyamo Marco Reus.

68' Jude Bellingham bikomeje kwanga muri uyu mukino, Vinicius Junior amuhinduriye umupira mwiza asabwa gushyiraho umutwe gusa birangira byanze uragenda urarenga.

65' Rodrigo afashe umwanzuro aracenga yinjira mu rubuga rw'amahina agiye gutanga umupira birangira Ian Maatsen awushyize muri koroneri itagize icyo itanga.

62' Karim Adeyemi ahinduye umupira mwiza maze Nicholas Füllkrug ashyiraho umutwe gusa Thibaut Courtois yongera gutabara.

57' Real Madrid irase uburyo bwari buremereye imbere y'izamu ku ishoti ryarekuwe na Dani Carvajal gusa myugariro wa Borussia Dortmund, Ian Maatsen ararihoza, umunyezamu ahita arifata nta nkomyi.

52' Borussia Dortmund niyo irimo irahererekanya umupira muri iyi minota, gusa kubona aho imenera habuze.

47' Real Madrid ibonye kufura nziza ku ikosa Mats Hummels akoreye Vinicius Junior, gusa umunyezamu wa Borussia Dortmund arirambura ayikuramo.

46' Real Madrid niyo itangije umupira mu gice cya kabiri gusa igeze imbere y'izamu ntibyakunda ihita iwutakaza.

Imibare iri kwerekana ko Borussia Dortmund isoje igice cya mbere yateye imipira 2 igana mu izamu mu gihe Real Madrid ariyo yahererekanye umupira ku kigero cyo hejuru kingana na 58%, gusa nta shoti yigeze itera rigana mu izamu.

Igice cya mbere kirangiye amakipe yombi anganya 0-0 gusa Real Madrid yarushijwe cyane mu bijyanye no kurema uburyo imbere y'izamu.

45+3' Borussia Dortmund ibonye koroneri 2 gusa birangiye ntacyo izimajije.

45+2' Real Madrid niyo iri guhererekanya umupira gusa iri kubikorera mu rubuga rwayo.

Igice cya mbere cyongeweho iminota 4

40' Macel Sabitzer wa Borussia Dortmund ahawe umupira na Julian Brandt maze nawe arekuye ishoti ari inyuma y'urubuga rw'amahina Thibaut Courtois arishyira muri koroneri itagize icyo itanga.

35' Vinicius Junior ahawe ikarita y'umuhondo nyuma yo gukandagira umunyezamu wa Borussia Dortmund, Gregol Kobel 

26' Kuri ubu umukino utangiye gufata irangi umupira uva ku izamu rimwe ujya ku rindi, Vinicius Junior ahinduye umupira mwiza washoboraga guteza ibibazo gusa ba myugariro ba Borussia Dortmund bawukuraho nta nkomyi.

24' Borussia Dortmund ikomeje guterera amahirwe inyoni, Niclas Füllkrug abonye umupira nawe asigaranye n'umunyezamu arekura ishoti gusa rikubita igiti cy'izamu.

21'Iyi kipe yo mu Budage irase igitego kidahushwa ku mukino wa nyuma wa UEFA Champions League ndetse ishobora no kwicuza. Karim Adeyemi ahawe umupira mwiza asigaranye n'umunyezamu gusa, atinda gutera mu izamu birangira Dani Carvajal ashyize umupira muri koroneri.

18' Borussia Dortmund iri gukina yugarira cyane, abakinnyi ba Real Madrid barimo Vinicius Junior babuze aho banyura.

14' Ikipe ya Borussia Dortmund irase uburyo buremereye ku mupira Füllkrug yahaye Julian Brandt gusa arekuye ishoti rinyura hepfo y'izamu nyuma yuko ba myugariro ba Real Madrid bari bikanzemo ko habayemo kurarira kandi ataribyo.

12' Jason Sancho yari abonye umupira azamutse acenga neza birangira Camavinga amuteretse hasi haterwa kufura.

8' Jude Bellingham akoze ku mupira we wa mbere ashyiraho umutwe agira ngo awushyire kwa Vinicius, gusa birangira wifatiwe n'umunyezamu wa Borussia Dortmund,Gregol Kobel 

6' Umukino urimo guhangana ku buryo nta kipe irimo irapfa kumarana umupira iminota. 

3' Ikipe ya Real Madrid yari ibonye uburyo bwa mbere ku mupira wazamukanwe na Vinicius Junior, gusa birangira umurenganye atangira guhagurutsa abafana.

1'Umukino utangijwe na Borussia Dortmund, gusa umufana ahise ajya mu kibuga bituma umukino uba uhagazebo gato

Umunyabigwi, Zinedine Zidane niwe wazanye igikombe cya Champions League muri sitade 

Umukino ugitangira abafana bishoye mu kibuga 

Abakinnyi 11 ba Real Madrid babanje mu kibuga:

Courtois

Carvajal

Rüdiger

Nacho

Mendy

Camavinga

Kroos

Valverde

Bellingham

Vinicius

Rodrygo

Abakinnyi 11 ba Borussia Dortmund babanje mu kibuga:

Kobel

Ryerson

Hummels

Schlotterbeck

Maatsen

 Emre Can

Sabitzer

Brandt

Sancho

Füllkrug

Adeyemi

Real Madrid yageze ku mukino wa nyuma nyuma yuko yazamutse iyoboye itsinda C ryarimo Union Berlin, Napoli,SC Braga. Muri 1/8 yasezereye RB Leipzig,muri 1/4 isezerera Manchester City naho muri 1/2 isezerera FC Bayern Munich.

Borussia Dortmund yo igeze hano yarazamutse iyoboye itsinda F ryarimo Paris Saint-Germain, Newcastle United na AC Milan. Muri 1/8 yasezereye PSV Eindhoven,muri 1/4 isezerera Atletico Madrid naho muri 1/2 isezerera Paris Saint-Germain.

Ikipe ya Real Madrid igiye gukina uyu mukino ishaka kwegukana igikombe cya 15 cya UEFA Champions League kuko isanzwe ifite ibikombe 14 ndetse ikaba ari nayo kipe ifite ibi bikombe byinshi aho ikurikirwa na AC Milan ifite 7.

Ni mu gihe Borussia Dortmund yo igiye gukina uyu mukino ishaka iki gikombe cya 2 nyuma yicyo yatwaye mu mwaka w'imikino wa 1996-97.

Imibare yerekana aya makipe yombi amaze guhura inshuro 13 muri iri rushanwa rya UEFA Champions League, Borussia Dortmund ikaba yarashoboye gutsindamo 3, banganya 4 naho Real Madrid itsinda 6.

Umukino aya makipe yombi aheruka gukina muri Champions League wabaye muri 2017 ukaba wararangiye Real Madrid itsinze ibitego 3-2, icyo bakaba bari bahuriye mu itsinda rimwe rya H.

Muri rusange imibare yerekana ko mu mikino 20 Real Madrid iheruka gukinamo n'amakipe yo mu Budage muri Champions League yatsinzwemo umukino umwe naho naho igaysindamo 13.

Ni ubwambere mu mateka ya Real Madrid igeze ku mukino wa nyuma wa Champions League datsinzwe umukino n'umwe guturuka mu matsinda mu gihe mu mikino 11 Brussia Dortmund yo yatsinzwemo umukino umwe gusa.

Ikipe ya Borussia Dortmund iraba ikina umukino wayo wa nyuma wa Champions ku nshuro ya 3 ndetse n'ubundi ubwo yawuherukagaho yari kuri Wembley stadium muri 2013 itsindwa na FC Bayern Munich yiwabo mu Budage.

Real Madrid yo iraba umukino wayo wa nyuma wa 17 ikaba yaratakajemo 3 gusa ,ni uwo 1981 itsinzwe na Liverpool,1964 itsinzwe na Inter Milan ndetse nuwo mu 1962 itsinzwe na Benfica.

Ikipe ya Borussia Dortmund iraba ifite abakinnyi 2 bakinnye umukino wayo wa nyuma iheruka gukina muri Champions League aribo Matt Hummels ndetse na Marco Reus uri bube ukina umukino we wanyuma muri iyi kipe.

Umukinnyi wo kuza kwitondera cyane muri uyu mukino ni Vinicius Junior bitewe n'imibare ye. 

Kugeza ubu amaze gutsinda ibitego 5 ndetse yanatanze imipira 4 ivamo ibitego muri Champions League y'uyu mwaka bikurikira 7 yari yatsinze n'imipira 4 ibivamo yari yatanze muri Champions y'umwaka ushize .

Gutsinda ibitego 5 ndetse ukanatanga nibura imipira 5 yabivuyemo mu myaka 2 yikurikiranya ya Champions League,ni Vinicius Junior wenyine umaze kubikora nyuma ya Luis Figo wari warabikoze ari muri FC Barcelona.

Ikiza gusa ni uko ari buze kuba afashwe na myugariro wa Borussia Dortmund, Matt Hummels nawe wamaze kwerekana ko ashoboye dore ko kugeza ubu muri Champions League y'uyu mwaka amaze gukina iminota yose ataruhuka.

Mu gihe bakwegukana igikombe yahita akuraho agahigo kari gafitwe na Cristiano Ronaldo wakinnye iminota yose muri Real Madrid mu mwaka w'imikino wa 2017-18 ndetse bikarangira batwaye n'igikombe.

Carlo Ancelotti utoza Real Madrid araba ashaka igikombe cya 4 cya UEFA Champions League nk'umutoza mu gihe Edin Terzić utoza Borussia Dortmund we araba ashaka icya 1 dore ko ntacyo agira mu buzima bwe.

Ubwo abafana ba Borussia Dortmund berekezaga kuri sitade ya Wembley ahebereye   umukino