Urutonde rwa filime 10 zitegerejwe na benshi zizasohoka muri Werurwe

Ubusanzwe muri Gashyantare niho hakunze gusohokamo filime nyinshi yaba ari izinyura ku mbuga zizicuruza cyangwa n'izindi zakozwe n'inzu zizitunganya zikomeye ku Isi inyinshi ziganjemo izo muri Hollywood.

Hollywood Reporter yatangaje ko ukwezi kwa Werurwe kwatangiye uyu munsi kuzarangwamo gusohokamo filime 8 zari zimaze igihe zamamazwa kuburyo benshi bazitegerezanyije amatsiko.

Izi filime zihuriye ku kuba zaratwaye amafaranga menshi zikorwa (High Budget), ndetse zikaba zihuriye ku kuba zifite abakinnyi ba filime b'ibyamamare. Ziri mu bwoko butandukanye yaba filime ziteye ubwoba, izimirwano hamwe na filime mbarankuru.

Muzitegerejwe na benshi muri uku kwezi harimo igice cya kabiri cya filime 'Dune 2' ikurikira 'Dune 1' yaciye ibintu mu 2021 ndetse yanahuje ibyamamare muri Sinama nka Zendaya, Jason Momoa, Timothee Chalamet n'abandi.

Filime 'Damsel' iri muzitegerejwe na benshi nayo izasohoka muri Werurwe kuri Netflix. Iyi ikinamo kabuhariwe Millie Bobby Brown wamamaye muyitwa 'Stranger Things' nayo ya Netflix.

Muri filime zizasohoka muri Werurwe zitegerejwe na benshi bitewe n'igihe zimaze zamamazwa hamwe n'abakinnyi bakunzwe bazazigaragaramo, inyinshi ni izizasohokera ku mbuga nka Amazon, Netflix hamwe na Peacock ari naho zizareberwa.

Dore urutonde rwa filime 10 zitegerejwe na benshi zizasohoka muri Werurwe: