Icupa rya Wisky ya Macallan yo mu bwoko bwa Scotch ryaciye agahigo ko kugurwa arenga miliyari eshatu z'amafaranga y'u Rwanda muri cyamunara yabereye i London mu Bwongereza.
Ku wa Gatandatu mu Bwongereza mu mujyi wa London, habereye cyamunara y'inzoga ya Wisky aho icupa rimwe ryaguzwe 2,200,000 pounds ni ukuvuga 2,700,000$ ahwanye na 3,000,000 Rwf.
Iyi Wisky ya The Macallan Adami 1926 yagurishirijwe na Sotheby mu mujyi wa London nyuma y'uko abantu bari bamaze kugereka igiciro cy'iyi nzoga bikarangira iguzwe 2,700,000 $.
Iyi nzoga ya Macallan 1926 nizo zaciye uduhigo mu kugurishwa cyane dore ko iyo baheruka kugurisha mu mwaka wa 2018 ariyo nzoga ya mbere yari ibaye iya mbere igejeje kuri Miliyoni y'amadorali.
Icupa rimwe rya Macallan 1926 ryagurishijwe mu mwaka wa 2019 rigurwa 1,800,000$ andi macupa yagurishirijwe i Dubai mu mwaka wa 2018 aho buri cupa ryaguze 600,000$ ku kibuga cy'indege i Dubai. Andi macupa abiri y'iyi nzoga yagurishirijwe mu mujyi wa Hong Kong rimwe rigura miliyoni y'amadorali irindi rigurwa 1,100,000$.
Ayandi macupa yo mu bwoko bw'iyi Wisky yagiye agurwa akayabo harimo ayaguzwe miliyoni, irya macye rikaba ryaraguzwe 480,000$. Iyi Wiski ya Scotch yaguzwe agera kuri miliyari eshatu z'amafaranga y'u Rwanda, yenzwe mu mwaka wa 1800s bikaba bivugwa ko ariyo wisky imaze igihe kirekire ku isi.
Hari amacupa 40 ya Macallan 1926 yenzwe mu mwaka wa 1986 akaba amaze imyaka 60 nk'uko Sotheby abitangaza. Muri ayo macupa, 12 yagurishijwe ku cyumweru harimo n'iryenzwe na Valerio Adami.
Eng
RSS 
TANGA IGITECYEREZO