Mu rucyerera rwo kuri uyu wa Gatanu, ni bwo ikipe z'igihugu z'abafite ubumuga mu mukino wa Sitting Volleyball zerekeje mu gihugu cya Misiri mu mikino y'igikombe cy'Isi mu bagabo n'abagore.
Iyi mikino y'igikombe cy'Isi izatangira kuva tariki 11 Ugushyingo, kugera tariki 18 uko kwezi 2023. Iyi kipe y'igihugu yari imaze igihe iri mu myitozo kuko kuva muri Nyakanga uyu mwaka, bari baratangiye gukora imyitozo aho bakoreraga mu bice bitandukanye bigize Igihugu cy’u Rwanda. Mbere y'uko aba bakinnyi bahaguruka babanje guhabwa ibendera ry'igihugu na Minisitiri wa Siporo Aurore Mimosa Munyangaju ndetse abashimira uburyo bahagaze.
Mbere y'uyu ko abakinnyi bahaguruka, babanje guhabwa ibendera ry'igihugu, ndetse basabwa kwimana u Rwanda
Mu
kiganiro n'itangazamakuru, Kapiteni w'ikipe y'igihugu mu bagabo Viningabo Emile,
yavuze ko biteguye kwitwara neza ndetse bagahesha ishema igihugu. Yagize ati: "Tujyanye intego yo kuva ku mwanya wa 13 ku Isi tugashaka uko
twakigira imbere. Imyiteguro yagenze neza ku bakinnyi haba mu bagore n'abagabo
kuko twatangiye hakiri kare, ariyo mpamvu twiteguye kuzimana u Rwanda."
Umutoza
w'ikipe z'igihugu zombi Mussad Rashid yemeje ko amakipe afite ameze neza kandi
biteguye guhangana. Yagize ati: "Ikipe mfite zihagaze neza ubu navuga ko
twiteguye neza kuruta uko byari mbere. Tugiye mu gihugu cya Misiri mbere
kugira ngo dukomeze kwitegura neza, ndetse dushake n'imikino ya gicuti ku buryo
irushanwa rizajya gutangira duhagaze neza."
Murucyerera rwo kuri uyu wa Gatanu, ni bwo ikipe z'igihugu zuriye indege bakaba banyura muri Uganda bagakomereza mu Misiri
Ikipe
y'igihugu mu bagabo igiye kwitabira iyi mikino iri ku mwanya wa 2 muri Afurika
ikaba ku mwanya wa 13 ku Isi, mu gihe ikipe y'igihugu mu bagore, iri ku mwanya
wa mbere muri Afurika ikaba ku mwanya wa 6 ku Isi.
Kapiteni w'ikipe y'igihugu mu bagore Mukobwankawe Liliane, yemeza ko bagiye guhangana, ku buryo batazatakaza umwanya wa mbere ku Isi
Kapiteni w'ikipe y'igihugu mu bagabo Emile, yemeza ko biteguye gutahana umudari kuko ari ibintu bishoboka
Abakinnyi ikipe y'igihugu y'abagore yahagurukanye
Abakinnyi b'ikipe y'igihugu y'abagabo yahagurukanye
TANGA IGITECYEREZO