RFL
Kigali

Champions League: FC Barcelona yatangiye ihabya, PSG na Manchester City nazo zitangira zimwenyura

Yanditswe na: Aloys Niyonyungu
Taliki:20/09/2023 6:28
0


Ikipe ya Paris Saint-Germain yatsinze Borussia Dortmund iyirusha, FC Barcelona iranyagira naho Manchester City ikora ibyari byitezwe mu mikino ya UEFA Champions League.



Kuri uyu wa Kkabiri taliki 19 Nzeri 2023 nibwo imikino ya Champions League 2023-2024 yatangiye gukinwa. Saa kumi n'ebyiri n'iminota 45 ndetse na saa tatu zuzuye nibwo yakinwe mu matsinda atandukanye.

Mu itsinda F, AC Milan yari yakiriye Newcastle United umukino warangiye amakipe yombi anganya 0-0 naho Paris Saint-Germain yari yakiriye Borussia Dortmund iyitsinda ibitego 2-0 byatsinzwe na Kylian Mbappé kuri penariti ndetse na Achraf Hakim.

Mu itsinda E, Feyenoord yari iri mu rugo yatsinze ibitego 2-0 Celtic naho Lazio yari yakiriye Atletico Madrid banganya igitego 1-1.

Mu itsinda H, ikipe ya FC Barcelona yari yakiriye Royal Antwerp yayinyagiye ibitego 5-0 byatsinzwe na Lewandowski, Gavi, Betaile aritsinda naho Joao Felix atsinda ibindi 2. Shakhtar Donetsk iri imbere y'abafana bayo yatsinzwe ibitego 3-1.

Mu itsinda G, Young Boys yari yakiriye RB Leipzig yatsinzwe ibitego 3-1 na Manchester City itsinda FK Crvena Zvezda ibitego 3-1. 

Ibi bitego ku ruhande rwa Manchester City 2 byatsinzwe na Julian Alvarez naho ikindi gitsindwa na Rodri, icya FK Crvena Zvezda cyo cyari cyatsinzwe na Bukari.

Kuri uyu wa Gatatu iyi mikino ya Champions League irakomeza guhera saa kumi n'ebyiri n'iminota 45, umukino utegerejwe na benshi ni uwo FC Bayern Munich iri bwakiremo Manchester United A.


Paris Saint-Germain yishimira intsinzi y'ibitego 2-0


Joao Felix watsindiye FC Barcelona ibitego 2 muri 5 batsinze


Julian Alvarez yafashije Manchester City kubona intsinzi atsinda ibitego 2 wenyine


Kylian MbappĂ© yatsinze igitego cya 1 cya Paris Saint-Germain 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND