Umuhanzi Drake yatangaje ko album ye itagisohotse ku wa 22 Nzeri nk'uko byari biteganyijwe ahubwo azayisohora ku wa 06 Ukwakira kubera gahunda z'ibitaramo bye bya "It all Blur Tour".
Drake ukomoka mu gihugu cya Canada amaze iminsi arimo akora ibitaramo bya It's all blur tour yamaze gutangaza ko kubera gahunda nyinshi yagize muri iki gihe yakoraga ibitaramo anitegura gushyira hanze album, yatangaje ko iyi album ayimurira ku wa 06 Ukwakira 2023.
Ibi bitaramo byatangiye ku wa 05 Nyakanga 2023 bikaba bizarangira ku wa 09 Ukwakira 2023 aho azaba amaze gukora ibitaramo 56. Igitaramo cya mbere cyabereye muri Chicago icya nyuma akaba azagikorera Columbus.
Kuri uyu munsi Drake ashaka gusohoreraho album ye, biteganyijwe ko azaba ari gukorera igitaramo mu mujyi wa Toronto kuri Scotiabank Arena.
Mu butumwa yanyujije ku rubuuga rwa Instagram, yibazaga icyo yaheraho kubera ko ari ibikorwa bibiri byari biri guhurirana harimo gukomeza gukora ibitaramo cyangwa se akabanza agashyira album hanze akabona gukomeza ibitaramo.
Ariko kubera ibitaramo byinshi yagiye asubika, yavuze ko azabanza gukora ibitaramo bye hanyuma mbere yo gukora igitaramo cya nyuma ashyire hanze album For all the dogs.
Bimwe mu bitaramo Drake yasubitse, harimo icyo yari gukorera Columbus ku wa 01-02 Nyakanga ariko kirasubikwa aricyo kimuriwe ku munsi wa nyuma, hari ikindi yasubitse yari gukorera Memphis yari gukora ku wa 06/08/2023 ndetse n'ikindi cyasubitswe cyari kubera Vancouver mu gihugu cya Canada.
Kubera ibi bitaramo byose byagiye bisubikwa ndetse akaba afite n'ibindi bitaramo arimo akora, Drake yahisemo gusubika album ye akabanza agasoza gukora ibitaramo bye bya It's all blur Tour arimo afatanyamo na 21 Savage.
Iyi album For all the dogs igiye kuza ikurikira Honesly nevermind, ni album ya 9 Drake agiye gushyira hanze kuva yatangira gukora umuziki mu mwaka wa 2001.
Ku rundi ruhande, Doja Cat nawe ari mu myiteguro yo gishyira hanze album ya 4 igiye kuza ikurikiye iyo aherutse gushyira hanze mu mwaka wa 2021 yise "Planet her" akaba yaramamaye cyane kubera indirimbo yakoze ikamuhindurira ubuzima yise "Say so"
Izi album zombi zari zitezwe gusohokera umunsi umwe ku wa 22 Nzeri 2023 ariko Drake we yamaze gutera ipine igihe cyo gusohorera album ye kubera ibikorwa byinshi by'ibitaramo arimo akora.
Ifoto iteguza album "for all the dogs" izasohoka ku wa 06 ukwakira, ni igishushanyo umuhungu we w'imyaka 5 yashushanyije
Adonis Graham w'imyaka 5 akaba ariwe mwana Drake afite, niwe washushanyije igishushanyo giteguza album ya Drake
Eng
RSS 
TANGA IGITECYEREZO