Ikipe ya Mukura VS ku wa 5 Kanama 2023, izagira ibirori byo kwizihiza imyaka 60 imaze ibayeho, aho izakina n’ikipe ya Geita Gold FC yo muri Tanzania ndetse abafana bataramirwe na bamwe mu bahanzi bagezweho mu Rwanda.
Ni umunsi uzaba udasanzwe kuri iyi kipe umwe muzikuze mu Rwanda. Nk'uko bigaragara kuri gahunda y'ikipe ya Geita Gold FC, iyi kipe izahura na Mukura Victory Sports tariki 5 Kanama bukeye bwaho ikipe ihure na Etoile de L'est yo mu karere ka Ngoma.
Bizaba ari ibirori bidasanzwe mu Karere ka Huye
Uyu muhango wo kwizihiza isabukuru y'imyaka 60 Mukura imaze ibayeho, uzabera kuri Stade Mpuzamahanga ya Huye, uyu mukino wa gicuti niwo uzabimburira ibirori aho uteganyijwe saa cyenda, mu gihe saa kumi n’imwe hazaba igitaramo cya muzika, cyizaririmbamo abahanzi bakomeye mu Rwanda barimo Bushali, Juno Kizigenza, Okkama, Chriss Eazy umuvanzi w'umuziki Dj Sonia na MC Tino uzaba ayoboye ikirori.
Geita Gold FC ni ikipe yabaye iya karindwi muri shampiyona y’icyiciro cya mbere muri Tanzania 2022-2023, ifite amanota 37.
Kuri gahunda ya Geita Gold FC bigaragara ko izagera mu Rwanda tariki 4, hanyuma tariki 5 ikine na Mukura
Eng
RSS 
TANGA IGITECYEREZO