Tracy Nabukeera yambitswe ikamba rya Miss Tanzania 2023-AMAFOTO

Ni mu birori bikomeye byabaye mu ijoro ryo kuri uyu wa Gatanu tariki 21 Nyakanga 2023, bibera mu nyubako y’imyidagaduro ya Super Dome mu Mujyi wa Dar es Salaam.

Tracy Nabukeera yari mu bakobwa batanu bageze mu cyiciro cya nyuma barimo Careen Ngowi, Agnes Mamba, Fatma Suleiman ndetse na Amina Jigde.

Akanama Nkemurampaka kemeje ko Tracy Nabukeera ariwe Miss Tanzania, agaragirwa na Amina Jigde wabaye igisonga cya mbere. Uyu mukobwa asanzwe afite ikamba rya Miss Kinondoni 2023.

Miss Tanzania 2023 yahembwe imodoka yo mu bwoko bwa Mercedes Benz ifite agaciro ka Miliyoni 143Frw, anahabwa Miliyoni 47 Frw yo kwifashisha mu bikorwa bye bya buri munsi n'ubuzima bwe.

Kuri iyi nshuro iri rushanwa ryari rifite abaterankunga bakomye barimo nka Star Media. Abakobwa 20 nibo bahataniye ikamba, kandi Tracy wabaye Miss Tanzania yahise abona amahirwe yo kuzaserukira iki gihugu mu irushanwa rya Miss World 2023 rizaba mu Ukuboza 2023.

Igisonga cya Mbere yahembwe amashilingi Miliyoni 5 [Arangana na Miliyoni 2,386,780 Frw], igisonga cya kabiri yahawe amashlingi Miliyoni 1 [Arangana na Miliyoni 1,432,068 Frw, naho igisonga cya Gatatu n’icya kane, buri umwe yahawe Miliyoni 1 y’amashilingi [Arangana n’ibihumbi 4,773,56 Frw].

Abategura iri rushanwa baherutse kuvuga ko bongereye ibihembo mu rwego rwo guteza imbere iri rushanwa no gushyigikira urugendo rw'iterambere rw'umwana w'umukobwa.

Miss Tanzania yatangiye gutegurwa mu 1967; umubare munini w'abakobwa barinyuragamo babaga ari abo mu Mujyi wa Dar es Salaam, ariko ryagiye ryaguka rigera no mu bindi bice by'Igihugu.

Mu 1968, Guverinoma ya Tanzania yafashe icyemezo cyo guhagarika iri rushanwa. Mu 1994 ryongeye gusubukurwa ryegukanwa na Aina Maeada waje no guhagararira Tanzania muri Miss World ku nshuro ya mbere.

Tanzania yisanze mu bihugu bikomeye mu marushanwa y'ubwiza, ubwo mu 2005 umukobwa witwa Nacy Sumari yabashaga kuboneka mu bakobwa batandatu ba mbere bahagarariye umugabane wa Afurika muri Miss World.

Miss Tanzania iri mu marushanwa y'ubwiza akomeye ahemba neza abakobwa mu Karere k'Afurika y'Iburasirazuba. Miss Rwanda yahagaritswe yari igeze ku guhembwa umukobwa wegukanye ikamba umushahara w'ibihumbi 800Frw buri kwezi; umukobwa yakiraga arenga Miliyoni 9 Frw ku mwaka.

Umukobwa yahabagwa imodoka yo mu bwoko bwa Hyundai Venue yatanzwe na Hyundia Rwanda ifite agaciro k'arenga k’amadorali ibihumbi 20,000 [Ararenga Miliyoni 20 Frw].

Tracy Nabukeera yahize bagenzi be 20 yambikwa ikamba rya Miss Tanzania 2023

Tracy niwe uzahagararira Tanzania mu irushanwa rya Miss World

Bamwe mu bitabiriye ibi bihembo banyuze ku itapi itukura 'Red Carpet'

Imodoka y'arenga Miliyoni 143 Frw Miss Tanzania 2023 yahawe 

Tracy yagaragiwe n'ibisonga bine

Tracy yashyikirijwe imodoka yegukanye nyuma yo guhiga bagenzi be bari bahatanye