Umunyabigwi Cesc Fabregas wabiciye bigacika muri Chelsea, Arsenal na FC Barcelona aho yakinaga mu kibuga hagati, yatangaje ko yasezeye ku mupira w'amaguru.
Uyu munyabigwi w'imyaka 36 y'amavuko, yatwaye ibikombe bitandukanye nka English Premier League muri Chelsea na LaLiga Santander muri FC Barcelona.
"Nagize agahinda kenshi ubwo namanikaga inkweto nakinanaga." Ibi byatangajwe na Cesc Fabregas kuri Instagram ye.
Fabregas aretse umupira w'amaguru ubwo yari afite amasezerano y'imyaka ibiri mu ikipe ya Como ikina icyiciro cya Kabiri mu Butaliyani. Fabregas yari asoje umwaka umwe mu myaka ibiri yari yarasinyiye iyi kipe.
Yatangaje ko agiye gukomeza imirimo yo gutoza ikipe ya Como mu bakiri bato. Ati: "Ntabwo nzareka umupira w'amaguru burundu ngiye gukomereza mu gutoza Como y'abakiri bato yashinzwe muri 1907"
"Umupira w'amaguru wamfashije kugera kuri byinshi bitandukanye. Nabaye umukinnyi ukomeye ku buryo nageze kuri byinshi bitandukanye kandi bikomeye."
Fabregas yasezeye ku mupira w'amaguru nyuma yo kubica bigacika mu makipe atandukanye
Fabregas yatwaye English Premier League muri Chelsea
Fabregas yakoze akazi gakomeye muri FC Barcelona yakuriyemo
Mu ikipe y'igihugu ya Espagne Cesc Fabregas yatwaye Euro ndetse n'igikombe cy'isi
Eng
RSS 
TANGA IGITECYEREZO