Manchester City yatwaye igikombe cya mbere cya Champions League, iby'imivumo bivaho- AMAFOTO

Kuri uyu wa gatandatu saa tatu z'ijoro kuri sitade yitwa Ataturk Olympic ya Istanbul muri Turkia hakiniwe  umukino wa nyuma w'igikombe cya Champions League y'uyu mwaka. Manchester City yageze hano isezereye Real Madrid iri kwesurana na Inter Milan yageze hano isezereye AC Milan.

Abakinnyi 11 Manchester City babanje mu kibuga: Ederson; Akanji, Stones, Rúben Dias, Aké; Rodri; Bernardo Silva, De Bruyne, Gündogan, Grealish na  Haaland.

Abakinnyi 11 ba Inter Milan babanje mu kibuga : Onana; Darmian, Acerbi, Bastoni; Dumfries, Barella, Brozovic, Çalhanoglu, Dimarco; Dzeko na  Lautaro Martínez

Uko umukino uri kugenda umunota ku munota

Umukino urangiye Manchester City iyoboye n'igitego 1-0 ihita yegukana igikombe cya 1 cya Champions league mu mateka yayo yikuraho imivumo yajyaga iyivugwaho.

90+4' Abakinnyi ba Manchester City bari gukina barwana no gutinza umukino

90+1 Onana na Erling Haaland bagiranye amakimbirane bibaviramo guhabwa amakarita y'umuhondo bose

Umukino wongeweho iminota 5

88' Inter Milan irase igitego kidahushwa,Lukaku ashyize umupira ku mutwe uragenda ukubita ku matako ya Ederson maze Ruben Dias ahita aza aratabara

86' Umuzamu wa Inter Milan yavuye mu izamu yigiye imbere kugira ngo afashe bagenzi be gusatira

81' Manchester City ikoze impinduka havamo Stones hinjiramo Kayle Walker

80' Manchester City iri gukina nkitarabona igitego isatira cyane

77' Manchester City yaribonye igitego cya 2 binyuze kuri Phil Foden ariko Onana akora akazi afata umupira byihuse

75' Inter Milan ikoze impinduka mu kibuga havamo Bastoni na Dumfries hinjiramo Bellanova na Robin Gosens 

72' Inter Milan ikomeje urugendo rwo gushaka igitego cyo kwishyura,Lukaku abonye umupira imbere y'izamu ariko arekuye ishoti umuzamu wa Manchester City aba ibamba umupira ahita awufata

70'Dimarco yaratsinze igitego cyo kwishyura ariko Lukaku kubwamahirwe macye umupira ukubita ku mugongo wa Lukaku bakinana 

Umukino ukirangira abakinnyi ba Manchester City bajya kwishimira igikombe

68' Akanji ahaye umupira Bernado Silva nawe awusubisa inyuma usanga Rodri ahita atsinda igitego cya 1 cya Manchester City

63'Manchester City iteye koroneri ariko kubera gukora amakosa ihinduka imfabusa

58'Inter Milan ibonye uburyo ibuterera inyoni, Bernado Silva ahaye umupira Akanji ntiyawufata maze usanga Lautaro Martínez atinda gutera anateye umuzamu wa Manchester City ahita awufata

56' Inter Milan ikoze impinduka mu kibuga havamo Eden Dzeko hinjiramo Lukaku

52' Abakinnyi bo ku mpande zombi bari gukinisha imbaraga zidasanzwe bahirikana bya hato na hato

Haaland utijyeze ukora akzi gahambaye muri uyu mukino

49' Onana akoze amabara yihera umupira Bernado Silva imbere y'izamu ariko nawe ahita awupfusha ubusa barawumwaka
Igice cyakabiri gitangiye Manchester City ariyo yiharira umupira cyane

Igice cyambere kirangiye ari 0-0

45+1 Emmanuel Akanji yarashatse gutungura umuzamu ariko umupira ntiwamukundira ngo ujye ku kirenge neza awuteye urayoba urenga izamu 

Igice cyambere cyongeweho iminota 2

41'Manchester City ibonye kufura ku ikosa Dumfries akoreye Jack Grealish ariko ntihagira ikivamo imbere y'izamu

38' Abakinnyi ba Inter Milan bongeye gusubirana umupira bari kwatsa umuriro imbere y'izamu rya Manchester City

Kevin De Bruyne wavuye mu kibuga kubera ikibazo cy'imvune

35' Phil Foden asimbuye Kevin De Bruyne wagize ikibazo cy'imvune

34' Abasore ba Manchester City nibo bari kwiharira umupira gusa bari kubikorera mu kibuga cyabo inyuma

30' Kevin De Bruyne yicaye hasi ari kwitabwaho n'abaganga nyuma yo kugira ikibazo cy'imvune

28' Haaland yaratsinze igitego habura gato,Kevin De Bruyne amuhaye umupira mwiza arekuye ishoti ariko Onana awukozaho intoki uva mu izamu

Rodri watsinze igitego ajya kukishimira ari kumwe na Jack Grealish

25'Amakipe yombi ari gukinira umupira mu kibuga hagati ashaka uburyo yakubakamo igitego

19'Inter Milan ikomeje kubona amahirwe menshi imbere y'izamu,Diamrco  ahaye umupira Lautaro Martínez awufungira Brozovic ateye ishoti rinyura hejuru y'izamu kure

13' Abakinnyi ba Inter Milan bakomeje gusatira cyane bashaka igitego, Dimarco ahinduye umupira mwiza imbere y'izamu usanga Lautaro Martínez agiye gushota maze Nathan Ake ahita yitambika ashyira umupira muri koroneri

9' Inter Milan ibonye uburyo bwambere imbere y'izamu aho Dimarco yararekuye ishoti ariko ba myugariro ba Manchester City baba maso

5'Manchester City ikomeje kwatsa umuriro imbere y'izamu rya Inter Milan, Bernado Silva ahawe umupira mwiza na Kevin De Bruyne arekuye ishoti rinyura hejuru y'izamu kure

3' Erling Haaland yarabonye uburyo bwiza imbere y'izamu ariko umusifuzi asifura ko yarariye

2'Abakinnyi ba Manchester City nibo bafite umupira bahererekanya gake gake

1' Ikipe ya Inter Milan niyo itangije umukino gusa nta mwanya munini imaranye umupira

Igitego umuzamu wa Inter Milan yakuyemo cya Erling Haaland

Burnaboy waririmbye mbere y'umukino

Manchester City yikuyeho umuvumo itwara igikombe cya mbere cya Champions League mu mateka yayo

Igikombe cyandikwaho Manchester City