RFL
Kigali

Abashakashatsi bavumbuye ko akamaro ko konka karenze kunywa amashereka gusa!

Yanditswe na: Brenda MIZERO
Taliki:7/06/2023 17:56
0


Ubuzima bwo mu myaka ya mbere y’umuntu ni bwo bugena ubw’indi myaka yose aba asigaje. Kugabanya imihangayiko hakiri kare ni urufunguzo rwo kwirinda indwara zikomeye zo mu za bukuru (Shonkoff, 2016).



Konsa ni uburyo bumwe bw’ingenzi bwo kugabanya imihangayiko ya karande hakiri kare. Ubushakashatsi buherutse gukorwa, bwerekanye ko konsa byongera ubuzima bwiza bw’abana mu migaragarire no mu mitekerereze, birenze kure gukuramo amashereka gusa.


Mu bushakashatsi bumwe bwakorewe ku babyeyi 2.900 bombi, bwagaragaje ko konsa umwaka umwe bitanga ubuzima bwiza bwo mu mutwe ku bana kuva ku myaka iyo ariyo yose kugeza ku myaka 14 (Oddy et al., 2009). Igihe kinini cyo konsa kijyana n’ubuzima bwiza bwo mu mutwe bw’abana muri rusange.

Konsa, bifite inyungu nyinshi ku babyeyi ndetse n’abana. Usibye kubona intungamubiri zose z'ingenzi bakenera kugira ngo bakure neza kandi bakomere babikesha amashereka, abana banabona antigene zibafasha kwirinda indwara zikunze kugaragara ku bana.

Konsa kandi bizamura umusaruro wa oxytocine, imisemburo ikomeye ifitanye isano n’ubusabane buba hagati y’umubyeyi n’umwana. Iyo umwana yonka, ubwonko bwawe n’ubw’umwana burekura umusemburo witwa ‘oxytocine.’

Imirire n'imigaragarire myiza y’umubyeyi

Ntabwo umwana ariwe wungukira no mu gikorwa cyo konsa gusa, ahubwo burya umubyeyi nawe abyungukiramo cyane. Konsa, bimwongerera intungamubiri, ubwenge, amarangamutima, ndetse bigatanga n’ubudahangarwa ku bana bato na ba nyina.

Bigira ingaruka ingaruka ku buzima bwiza bwo mu mutwe

Konsa umwana, bisanzwe bizwi ko byongera ubushobozi bw’ubwenge bw’umwana. Ababyeyi bonsa nabo, bivugiye ko baba bumva bamerewe neza muri rusange, bagahangayika gake ugereranije n’abatonsa.

Bishimangira umubano mwiza hagati y’umubyeyi n'umwana


Nta kintu cy’agaciro kibaho nko kuryamisha umwana wawe mu gituza! Iyo uri konsa muhuza uruhu ku rundi, biba ari ingenzi mu buzima bw’imikurire y’umwana wawe. Kumarana umwanya n’umwana wawe mu buryo bwuje urukundo binyuze mu konsa, ni inzira nziza yo kubaka ubucuti hagati yanyu guhera mu minsi ye ya mbere.

Iterambere ry'umwana

Birazwi cyane ko konsa, byorohereza ibikorwa by’ubwonko, bigateza imbere, kandi bikagira uruhare mu myitwarire y’abana bato. Abana bonse, birashoboka cyane ko baba indashyikirwa mu myigire n'imibereho yabo, kandi badakunze kurizwa n’ubusa.

Isooko: onewillow.com, motherchildnutrition.com






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND