Ngaya amahirwe atangaje utari uzi yo kugenda n’amaguru

Muganga w’inzobere mu by'imirire yagize ati: "Ntabwo abantu benshi barakira kugenda nk'imyitozo ngororamubiri ya nyayo. Birashoboka ko byoroshye cyane, bimenyerewe, bishimishije cyane, cyangwa biruhura cyane ku buryo bidashobora gufatwa nk'imyitozo yindi isanzwe ikomeye. Mu by'ukuri, ikintu gishimishije muri iki gikorwa, ni uko ari imwe mu myitozo yoroshye ushobora gukora ku buryo buhoraho."

Inyungu zo kugenda n’amaguru buri munsi:

Kugenda n’amaguru bitera umutima kumererwa neza.

Ubu ni bumwe mu buryo bwiza bw’imyitozo ngororamubiri ku buzima bw’umutima. National Heart Foundation yo muri Ositaraliya ivuga ko kugenda iminota 30 cyangwa irenga buri munsi bishobora kugabanya ibyago byo kurwara umutima, bikagabanya ibyago byo guhagarara k'umutima ku kigero cya 35%.

Kugenda bigabanya imihangayiko bigatuma umererwa neza.

Ntabwo ari ibanga ubushakashatsi bwakozwe bwagaragaje ko kugenda n’amaguru bigabanya imihangayiko. Kugenda birekura umusemburo witwa endorphine; wongera umunezero, guseka n’urukundo mu mubiri. "Endorphine ikorana n’imitsi yo mu bwonko, maze ikavubura ibyiyumviro byiza, ikongera kwigira, kwihanganira ububabare, ndetse no kumvawishimye."Dr. Lam abisobanura.

Kugenda rwose bituma wumva umerewe neza. Ubushakashatsi bwakozwe mu mwaka wa 2018 bwerekanye ko iminota 10 yonyine yo kugenda n'amaguru yongeye kumera neza kw’abitabiriye amahugurwa.

Kugenda bigabanya kwiheba

Ubushakashatsi bwerekana ko imyitozo ngororamubiri, harimo no kugenda, ishobora kugabanya kwiheba. Urugero, ubushakashatsi bwakozwe ku bagore 121 bamaze gucura, bwerekanye ko abagenda gatatu mu cyumweru mu minota 40, ikigero cyo kwiheba kwabo cyagabanutse cyane.

Kugenda bikomeza ingingo z’umubiri

Ubushakashatsi buherutse gukorwa bwerekana ko kugenda bishobora kongera ububabare ariko bikarinda gukura kw'indwara. "Imyitozo ngororangingo [nko kugenda] ifite inyungu nyinshi ku buzima kandi igomba guhora ari iya mbere ku murongo wo gukumira no kuvura indwara zifata nabi,”Shinkle yongeyeho

Kugenda bigenzura isukari yo mu maraso.

Isesengura ry’amakuru ryakozwe n’abantu barenga 300.000 bitabiriye ubushakashatsi ryavumbuye ikintu gikomeye: Abagendaga buri gihe bafite ibyago 30% gusa byo kwandura diyabete yo mu bwoko bwose uko ari 2. 

Ibi biterwa nuko kugenda bishobora gufasha kugenzura cyangwa kugabanya isukari y’amaraso. Ku rundi ruhande, ubushakashatsi bwakozwe ku bantu 201 barwaye diyabetezo mu bwoko bwombi, bwerekanye ko buri ntambwe 2600 zo kugenda buri munsi zajyanaga na A1c munsi ya 0.2 ku ijana, cyangwa urugero rw'isukari mu maraso.

Kugenda byongera imikorere y’umubiri.

Akandi kamaro ko kugenda buri munsi: Abashakashatsi bemeza ko imyitozo ngororamubiri ishobora kongera imbaraga mu mikorere y’umubiri, ikanafasha umubiri wawe kurwanya indwara. 

Kwiyongera k'ubushyuhe bw'umubiri bishobora kandi kubuza bagiteri gukura mu gihe bidindiza irekurwa ry’imisemburo yo guhangayika (bishobora kongera ibyago byo kurwara). Byongeye kandi, kugenda bishobora gukura bagiteri mu bihaha, bikagabanya ibyago byo kwandura virusi n'ibicurane.

Isooko: realsimple.com

Umwanditsi: Brenda MIZERO