Texas: Umuryango wabujijwe kongera gusubira muri Resitora kubera umwana ukubagana

Selena Palomares n'umuryango we nyuma y'imyaka cumi n'itanu basohokera muri resitora yitwa Taco Tejano, baje kubuzwa n'abayobozi baho kuhagaruka nkuko bitangazwa na MySanAntonio reports.

Nyina wa Palomares yari yabanje kwinjira muri 'restaurant' gufata ameza ndetse yari arimo gusaba intebe ndende, mu gihe Palomares we yari arimo gukura abana be babiri b'ababahungu (uw'ibiri n'itatu) mu modoka. Ni bwo nyina yahise aza avuga ko bamubwiye ko batakemerewe kwinjiramo imbere muri 'restaurant' ukundi.

Palomares yabwiye the news outlet ati:"icyo gihe nari mfite abana babiri mu biganza byanjye aribwo yahise aza arankurura anjyana ku ruhande ambwira ko baravuze ngo ntidushohora kujyamo imbere ngo tuharire kubera ko abana bajya bateza umwanda bakangiza ibintu twarangiza ntituhasukure".

Nkuko tubikesha Kiss Fm, ngo aho kugira ngo yinjire ajye kuvugana n'abayobozi baho kuri icyo kibazo, yahise ajya kuvugira ikibazo cye ku mbuga nkoranyambaga. 

Palomares avuga ko igihe cyose basohotse bakajya kurira hanze agerageza gusukura aho abana be banduje, akomeza avuga kandi ko abana be batajya bazenguruka impande n'impande muri 'restaurant' cyangwa ngo babe bateragurahejuru intebe, ngo yewe ntibajya bananyanyagiza ibiryo".

Avuga ko igihano babahaye kidashingiye ku muntu ku giti cye, ariko icyo 'restaurant' yatangaje ku mbuga nkoranyambaga ubanza cyaratumye abona ko yari yibeshye. 

Nyiri Taco Tejano, Alicia Sepeda yemeje ko ubwo butumwa bw'abo bwari bugenewe Palomares ku gitekerezo cye yari yashyize kuri murandasi. Ubutumwa bwanyujijwe ku rubuga rwa Facebook bwagiraga buti:"🗣️Get your Taco Tejano T-Shirt 🗣️ ( Where kids are not welcomed🤣 JkJk) $20🤑Thanks". Tugenekereje mu kinyarwanda bwagira buti:"🗣️fata umupira wawe wa Taco Tejano 🗣️ ( Aho abana badahabwa ikaze🤣 JkJk) amadorali 20🤑Murakoze",

Palomares yavuze ko nubwo hari igihe abana be bajugunyaga hasi ibiryo, atigeraga asiga umwanda aho kuburyo byatuma bamuhagarika, akavuga ko uburyo ikibazo cyakemuwe bitanyuze mu mucyo.

Sepeda nyiri 'restaurant' yarafungutse avuga impamvu umuryango wa Palomares utakemerewe guhabwa ikaze muri 'restaurant', ko byatewe n'inshuro ya nyuma baherukaga aho, ko yahise ubwe afata umwanzuro wo kutazongera kubakira. 

By'umwihariko, akaba ari bwo yabibwiye nyina igihe yinjiraga ari wenyine ko bitewe n'uburyo baherukaga kwitwara atazongera kubakira.

Yongeraho ko iyo aba yarakaye yari kuba yaramwihamagariye, bakabiganiraho ari umugore ku mugore, bakabikemura. Akavuga ko yari kuba yarabyishimiye kuvugana na we akamusobanurira impamvu. Gusa n'ubundi ngo ntibyari gukuraho icyemezo yafashe kuko agikomeyeho nta kindi kintu yitayeho.