Umugabo afite ikibazo ku mugore we wivanga mu bibazo by'abaturanyi

Umugabo arimo kugisha inama ku kuba umugore we yarivanze mu bibazo abaturanyi be bafitanye. Avuga ko atari ibyo gusa, umugore we yabizanyemo n'abana.

Uyu muryango utamaranye igihe gito, watangiye kugira kutumvikana bitewe n'imyitwarire y'umugore aho byageze naho umugabo asaba umugore we kujya areba ibimureba.

Iyo bigeze ku mibanire n'abaturanyi, usanga abantu benshi batabivugaho rumwe, hariho abumva babaho ubuzima bwabo, hari n'abandi bakunze gukurikirana imibereho y'abo batuye mu gace kamwe.

The Mirror dukesha iyi nkuru, iravuga ko umugabo umwe yatangaje uburyo atabanye neza n'abaturanyi be bo hirya y'umuhanda, akavuga ko ariko mu myaka itatu ishize, umugore we yari incuti y'umugore wo muri urwo rugo ndetse n'abana ari uko.

Avuga ko abo baturanyi baje gutandukana, umugore agahatirizwa gusohoka mu nzu, aho yaje kujyana n'abana.

Uyu mugabo utivuga izina ubwo aba avuga inkuru ye ku rubuga rwa Reddit, avuga ko wa mugabo yaje gusigara mu nzu aho yemererwa guhura n'abana be rimwe na rimwe nko muri 'weekend'.

Nubwo atavuganye byinshi n'abaturanyi ku gutandukana kw'abo, bisa n'aho umugore we yateje ibibazo ubwo yajyaga abyivangamo nk'incuti yuwo mugore.

Yaranditse ati: "Umugore wanjye w'imyaka 37 nanjye ku myaka 38 twimukiye ahantu imyaka itatu ishize tujyana n'abana bacu babiri, uwimyaka umunani nundi w'itandatu. Abaturanyi hirya y'umuhanda bafite abana babiri (icyenda n'irindwi) byatumye abana bacu baba incuti y'abo byihuse".

"Ubwo n'ababyeyi bituma tumenyana. Umugore wanjye ahita aba incuti ya hafi ya mama w'abo. Njye na papa w'abo natwe twari tubanye neza, ariko ntibyigeze bigeza ahumugore wanjye n'uwo mumama".

Akomeza avuga ko, umwaka ushize, abo babyeyi batandukanye umugore asabye gatanya. Umugore aza gusohoka mu nzu yari iy'umugabo mbere yuko babana. Ajyana n'abana. 

Umugore wanjye yambwiye ko umugore yashatse gusaba uburenganzira bwuzuye ku bana, n'umugabo we arabusaba, biza kurangira bose babaringanyije. Rero umugabo aba arikumwe n'abana muri 'weekend' eshatu mu kwezi, indi minsi isigaye bakaba bari kumwe na mama w'abo.

Abana iyo baje kureba se baraza bagakinana n'abe. Yarabigenzuye asanga umugore we akunze gukora ibishoboka byose ngo baze iwabo bakinane n'abe. 

Gusa ikindi yagenzuye ni uburyo iyo abo bana baje akunze kubahata ibibazo ababaza kuri se. Gusa umugabo we akavuga ko agerageza kubafata nk'abana b'incuti ye bakumva batekanye bari iwe.

Umugabo yatekereza ko ari bibi, ariko yamenye ko ari bibi cyane igihe yamenyaga ko umugore we yarenze umurongo ku bibazo ahata abo bana, aho yaje kumuhamagara akamujyana hanze akamusaba kujya areba ibimureba.

Yongeraho ko umugore we yavuze ko aba agerageza kwita ku bana b'incuti ye, gusa we akamubwira ko gutata umuturanyi bene ako kageni akoresheje abana ababaza ibibazo nk'ibyo atari byiza. Umugore we ariko aba yumva arengana, nyamara umugabo we akavuga ko ataricyo aba agamije usibye kumugira inama.

Umugabo arakomeza akabaza niba yaba yarakoze nabi gusaba umugore we kujya areba ibimureba.