Umugabo aba mu nzu ntoya itangaje yiyubakiye we n'abakobwa be babiri

Canto Generation nyuma yo gukora gatanya, yisanze mu buzima bugoye, aho yari afite gusohoka mu nzu yabagamo ayisangiye n'umufasha we n'abana be babiri b'abakobwa. Ikibazo cyari gisigaye ni ukuba uyu mugabo yarinjizaga amafaranga make aho nta yandi mahitamo y'aho kuba yari afite.

Umugabo yahise yibuka inzu nto yabonaga mu kiganiro 'Little House Nation TV show' ndetse no ku rubuga 'www.tinyhousebuild.com', niko gufata umwanzuro wo kuzubaka inzu ntoya akoresheje imbaho. Avugana n'umubaji w'inshuti ye ngo amufashe kubaka inzu itarengeje metero 23.

Aragira ati “Namubajije ingano y'amafaranga yanyishyuza ngo anyigishe mu gihe cy'ibyumweru bike, mbese nkamubera umwunganizi, ku buryo mu gihe cyari kigiye kuza nagombaga kuzabyikorera njyenyine".

Yamubajije kandi icyo bimusaba ngo arangize kubaka inzu nk’iyo yari yubakiye inshuti ye mu ifamu. Yaje kumubwira ko inzu atayirangiza wenyine, ko bizamusaba abashyiramo parafo ndetse n'abashyiramo amashanyarazi. Byasabye umwaka urengaho gato ngo ibe yuzuye.

Igihe inzu yari irangiye, hari hasigaye ubutaka bwo kuyiterekamo, ibintu bitari byoroshye, kuko bagombaga no kubona ibyangombwa binyuze mu mategeko n'amabwiriza agenga imyubakire.

Yashakaga ahantu heza hazafasha abana be kumva batuje kandi batekanye. Atangira kujya atwara imodoka azenguruka areba ahantu heza hashobora kujya inzu ntoya, aha ariko amikoro nayo yari make.

Yifuzaga kubona ahantu hatazamutwara arengeje $500. Mu gihe yari akomeje gushakisha, yaje kugera ku rubuga rwa 'nextdoor.com', rufasha abantu bashaka gukodesha ubutaka bujyaho inzu ntoya banyura.

Nyuma y'imyaka itandatu, we n'umuryango we baracyatuye aho ndetse barabikunze. Yashinze urubuga rwe bwite aho afashiriza abantu kubonera ibyishimo mu nzu ntoya. Akurikije aho aba, agenda abereka uburyo babikamo ibikoresho neza mu nzu ntoya. Ndetse yita ku buhinzi n'ubworozi cyane.

Izi nzu ntoya zubakwa hirya no hino mu mashyamba no mu masambu yo muri Leta Zunze Ubumwe za America, zikomeje kuba ikimenyabose binyuze ku mbuga nkoranyambaga, aha twavuga nko ku rubuga rwa instagram, conte yitwa @Tiny_homess.