RFL
Kigali

Sitting Volleyball: Gasabo yegukanye igikombe cya shampiyona icyambuye Gisagara - AMAFOTO

Yanditswe na: ISHIMWE Olivier Ba
Taliki:8/05/2023 6:48
0


Ikipe y'Akarere ka Gasabo yegukanye igikombe cya shampiyona muri Sitting Volleyball, mu gihe mu bagore, Bugesera yongeye kwerekana ko nta wayihiga.



Mu mpera z'icyumweru dusoje kuva ku wa 6 kugera ku cyumweru tariki 7 Gicurasi, mu nzu y'imikino y'akarere ka Gisagara haberaga imikino y'agace ka nyuma, ari nayo mikino isoza umwaka muri Sitting Volleyball.

Amakipe agera kuri 17 niyo yari yitabiriye aka gace ka nyuma, harimo amakipe ane ya mbere mu bagabo yahataniraga igikombe, ayo makipe akaba ari, Gasabo, Gisagara, Musanze, ndetse na Rusizi. Mu bagore, amakipe yari ahataniye igikombe ni Musanze,  Bugesera, Gicumbi na Nyarugenge.

Mu cyiciro cy'abagabo, ikipe y'Akarere ka Gasabo, niyo yegukanye igikombe itsinze Gisagara amaseti 3-0 (26-24, 25-19,25-16). Ikipe y’Akarere ka Musanze ni yo yegukanye umwanya wa gatatu itsinze iya Rusizi amaseti 2-0 (25-19, 25-22).

Mu bagore, Ikipe y'Akarere ka Bugesera niyo yegukanye igikombe nyuma yo gutsindira ku mukino wa nyuma ikipe y’Akarere ka Nyarugenge amaseti 3-0 (25-14, 25-22, 25-22). Umwanya wa gatatu wegukanywe na Gicumbi itsinze Musanze amaseti 2-1 (25-21, 17-25, 5-10).

Gisagara mu bagabo niyo yari ifite igikombe giheruka, ariko kuri iyi nshuro yaje kucyamburwa imbere y'abafana bayo.

Mu bagore, Bugesera yongeye kwerekana ko ari intahangarwa, nyuma yo kwegukana ibikombe bibiri byikurikiranya 

Umwaka w'imikino kugira ngo urangire, ukininwa mu byiciro 4 ahantu hatandukanye, icyiciro cya nyuma bakaba bakiniye i Gisagara 









TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND