RFL
Kigali

Bararyohewe! Gentil Misigaro na Rhoda bizihije imyaka 4 y'urushako mu mashimwe akomeye-AMAFOTO

Yanditswe na: Mupende Gedeon Ndayishimiye
Taliki:18/03/2023 23:02
2


Umuramyi Gentil Misigaro n'umugore we Rhoda Mugiraneza, bari mu mashimwe akomeye yo kwizihizanya isabukuru y'imyaka 4 y'urushako umugisha w'abana babiri b'abahungu, n'ibindi byinshi.



Kuwa 17 Werurwe 2023 ni bwo imyaka 4 yuzuye kuva Gentil Misigaro na Rhoda Misigaro batangiye kubana nk'umugabo n'umugore. Ni umunsi wazamuye amarangamutima yabo ndetse n'abakunzi babo nk'uko bigaragara mu mashusho banyujije ku mbuga nkoranyambaga.

Mu mashusho yafatiwe i Paris kuri Tour Eiffel, Gentil Misigaro agaragara ahetse mu mugongo umugore we. Ibi byakoze ku mitima y'abatari bacye barimo n'umunyamakuru Ally Soudy watangariye ukuntu Gentil Misigaro yavuye mu modoka asuhuza abaturage [yabise Abafaransa].

Tariki 17 Werurwe ni umunsi uvuze ikintu gikomeye kuri uyu muryango kuko ari wo Rhoda yaboneyeho izuba, ukongera ukaba umunsi basezeraniyeho kubana akaramata mu birori by'agatangaza byabereye i Kigali mu rusengero rwa New Life Bible Church mu mwaka wa 2019.

Aganira na inyaRwanda, Gentil Misigaro yavuze ko muri iyi myaka 4 amaranye na Rhoda, bungutse byinshi bibatera gushima. Ati "Twungutse abana babiri b'abahungu; Abraham Misigaro na Asaph Misigaro. Ikindi, twarushijeho gukura mu gakiza, tunarushaho kuryoherwa na Yesu buri uko bwije n'uko bukeye".

Gentil Misigaro yamamaze mu ndirimbo zitandukanye zirimo: "Biratungana" imaze kurebwa n'abarenga Miliyoni 6 kuri Youtube, "Iyo mbimenya", "Buri munsi" yakoranye na mubyara we Adrien Misigaro, n'izindi. "Nzagutegereza" niyo aheruka gukora ikaba imaze amezi 8 iri hanze.


Rhoda mu mugongo w'umugabo we Gentil Misigaro


Bagiriye ibihe byiza i Paris ku munara muremure


Rhoda yizihiza isabukuru y'amavuko ku munsi bakoreyeho ubukwe


Gentil Misigaro hamwe n'umuryango we 


Bafite amashimwe menshi cyane 


"Imyaka 4, abana 2"

REBA INDIRIMBO "NZAGUTEGEREZA" YA GENTIL MISIGARO







TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • ineza irene11 months ago
    Nshaka kotuvugana
  • Ruth 11 months ago
    Ndabakunda cyanee Misigaro mumuryango we Kandi ndabifuriza gukomeza guharanira kuba intashyikirwa!!





Inyarwanda BACKGROUND