Korali Abatwaramucyo ni imwe muri Chorale nkuru muri uru rusengero rwa ADEPR Rubona nk’uko bigaragazwa n’amateka yayo, ndetse ikaba ifatwa nka Korali ya Kabiri. Iyi Korale izafatanya n’andi makorali arimo iyitwa ‘Urumuri Choir’ n’umukozi w’Imana Ev. Habyarimana Micheal mu mugoroba wo guhimbaza Imana ndetse banatange ubufasha kubatisho
Uyu mugoroba wo kuramya no guhimbaza Imana uteganyijwe kuzaba tariki 26 Werurwe 2023 mu rwego rwo kwifatanya n’abayoboke basengera kuri urwo rusengero ndetse n’abandi baturage bo hanze batahasengera, hitabwa no ku mibereho yabo na cyane ko bazabaha ubufasha butandukanye nk’uko byatangajwe na Nsengamungu Kidumu Elly ushinzwe itangazamakuru muri iyi Korali.
Mu magambo ye yagize ati: “Uyu mugoroba uzaba ari
nk’igitaramo kizadufasha kwifatanya n’abakirisitu muri rusange ndetse n’abandi
bo hanze batahasengera, ari nabo tuzibandaho tukareba imibereho yabo tunabafasha
mu buryo butandukanye.”
“Iki gitaramo kandi kizadufasha gukomeza kwegerana
n’Imana kimwe no gufasha abaturage bazacyitabira binyuze mu ijambo ry’Imana
ndetse no mu buzima busanzwe, kuko tuzabafasha mu byo kurya, mu myambaro ndetse
n’amafaranga mu rwego rwo kugira ngo abaturage badukikije ndetse n’abakirisitu
bacu bakomeze bagire Roho nzima ituye mu mubiri muzima”.
Ubu bufasha bwateguwe n’iyi Korale ndetse n’abafatanyabikorwa bayo, kugira ngo bahembure imitima y’abantu b’Imana.
Usibye umuzingo w’indirimbo 12 basohoye mu mwaka wa 2013, bafite indi mishinga irimo gushyira hanze undi wa kabiri mu ntangiriro z’umwaka wa 2024.
Iki gitaramo kizatangira saa 15h00 kigeze saa 8h00’ z’ijoro. Gifite umutwe uyobowe n’ijambo ry’Imana riboneka muri Matayo 25;35-36 hagira hati: “Igihe nari nshonje mwaramfunguriye, ngize inyota mumpa icyo kunywa, nje ndi umushyitsi murancumbikira.
36. igihe nari mbuze icyo nambara muranyambika, ndwaye murandwaza, ndi imfungwa muza kunsura”. Rizagaburwa na Ev. Habyarimana Micheal na Korale Urumuri Choir, bafatanyije n’andi makorali yo muri Paruwasi ya Rubona.
Eng
RSS 
TANGA IGITECYEREZO