RFL
Kigali

Kiyovu Sports yatsinze Etincelles Fc itarahemba abakinnyi humvikana amarozi

Yanditswe na: Kwizera jean de Dieu
Taliki:12/03/2023 20:11
0


Kuri iki Cyumweru tariki ya 12 Werurwe 2023 kuri Stade Umuganda, ikipe ya Kiyovu Sports yahatsindiye Etincelles yari iwayo ibijyanye n’amarozi byongera kumvikana mu matwi y’abafana n’abari ku kibuga.



Uyu mukino watangijwe n'ikipe ya Kiyovu yatsindaga yerekeza mu Mujyi wa Gisenyi, mu gihe Etincelles yerekezaga ku ishuri rya St Joseph Muhato. Ku munota wa 12 w'igice cya Mbere ikipe yahushije ‘kufura’, yari nko muri metero 5 uvuye ku izamu rya Kiyovu Sports. 

Ku munota wa 25 w'igice cya Mbere, Mbonyingabo Regis wa Kiyovu yahawe ikarita y'umuhondo kubera kwambara kora mu burya bunyuranyije n’amategeko. Umunota wa 20 na 21 y’igice cya mbere yabaye ingorabahizi kuri Etincelles, kugeza ubwo ku munota wa 24 Kiyovu Sports yahushije igitego cyari cyabazwe.

 

Ikipe ya Kiyovu Sports yafashe ifoto

Ku munota wa 28 Kiyovu Sports yabonye igitego cya mbere, cyatsinzwe na Muhozi Freddy wari wazonze Etincelles Fc. Mu minota 40 ya mbere umuzamu wa Etincelles FC, Kambale Arsene yahuye n'akazi katoroshye ku makosa yakorwaga n’abinyuma be.

Ku munota wa 42, ikipe ya Etincelles FC yahagurukije abafana babura igitego. Igice cya mbere cy’umukino, cyarangiye ikipe ya Kiyovu ifite igitego kimwe ku busa.

 

Nyuma y'iminota 3 gusa igice cya Kabiri gitangiye, Ciza Hussein yatsinze igitego cyo kwishyura. Iki gitego cyabaye nko gukoza agati mu ntozi maze Etincelles FC yiharira abafana, gusa mu minota ya nyuma y’igice cya Kabiri       Iradukunda Bertrand wa Kiyovu abahoza amarira atsinda igitego cyatumye ikipe ye icyura amanota 3 y’umunsi.

 

Ikibazo cy'amarozi cyongeye kwigaragaza ubwo umuzamu wa Etincelles FC yirazaga inyanza mu izamu ry’ikipe ya Kiyovu Sports, yagombaga gukomerezamo mu gice cya Kabiri maze agasukamo icupa ry'amazi arimo kuyanyanyagiza.

Ibi byabaye mu gihe abana bakusanya imipira ku kibuga nabo bisirisimbyaga muri iri zamu, kugeza ubwo abakinnyi bagarukiye mu gice cya Kabiri, Kimenyi Yves akarwana nabo abakura hafi y'izamu rye ariko bikaba imfabusa.

Nyuma gato y'uko igice cya Kabiri gitangira ku ruhande rwa Kiyovu Sports, nabo basutse amazi mu izamu ryabo bifatwa nko kurirogora. Igice cya Kabiri cyatangiranye ishyaka ridasanzwe ku ruhande rwa Etincelles, iza no kwishyura mu gitego cyatsinzwe na Ciza Hussein maze Iradukunda Bertrand wa Kiyovu abambura inota rimwe bari bamaze gusa n’abizeye.


Umufana w'imena wa Etincelles FC yagaragaye ashyamirana n'abafana, n'abandi bashakaga kwinjiza abantu ku ruhande

Ku mpande zombi bashimiye abakinnyi babo, gusa umutoza wa Etincelles FC avuga ko kuba abakinnyi be batsinzwe atabishyira ku bafite ibibazo batakinnye, anagaragaza ko ikibazo cy’umushahara kigihari.



Umutoza wa Etincelles FC ati: "Mutubarize aho amafaranga yaheze, ahari bayaduha".


Umutoza wa Kiyovu Sports


Uyu mukino waranzwe n'ishyaka ryinshi cyane.


Ibyishimo byari byose ku ruhande rw'ikipe ya Kiyovu Sports nyuma yo kwegukana insinzi.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND